Marka 4:15 - Tedim Bible

¹⁵ Khat veivei lamdung a tu khaici bang a, mite in a thu za napi-in, a zakkhit phetun Satan hong pai-in amaute sunga a kivawh thute lakkhiatsak hi.

Tedim Bible Revision 2017

¹⁵ Khat veivei lamdung a tu khaici bang a, mite in a thu za napi-in, a zak khit phetun Satan hong pai-in amaute sunga a kivawh thute lakkhiatsak hi.

Marka 4:15 Referans Kwoze

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nektheih ding zongin vak kawikawi hi.

Mattiu 13:19

Mi pawlkhat in Pasian’ hong ukna tawh kisai a lungdamhuai thu za napi-in a thu theitel lo uh ahih manin Dawimangpa hong pai-in amau lungsim sunga a kivawh thu a lakkhiatsak hi. Hih bangte pen lolai lampi dung a tu khaicite tawh kibang hi.

2 KORIN NIHNA 2:11

Mawhna maisak kei lehang Satan in nuamtaksa-in eite tungah hong gualzo kha ding ahih manin mawhna a maisak ihi hi. Satan’ nasepna zia a thei lo ihi kei hi.

Luka 8:12

Lamdungah khaici a tukna munte pen Pasian’ thu a zate a cihnopna ahi hi. Tuate in Pasian’ thu a zak hangun a thu um loin, hotkhiatna a ngah loh nadingun Dawimangpa hong pai-in a lakkhiatsak hi.

Marka 4:4

Khaici a vawh ciangin pawlkhatte lamdung tu a, vasate hong leengin tawmin a ne uh hi.

Sawltak 5:3

Peter in, “Ananias aw, bang hangin Satan’ thu-in gamta a, na lo zuak man sumte pawlkhat kem simin, Kha Siangtho khem na hi hiam?

Isaiah 53:1

Tua ciangin mite in, “I zak thu kua in um thei ding ahi hiam? Hih bang thu-ah Topa’ vangliatna khut kua in bangci muh theih ding ahi hiam?

Mangmuhna 20:10

Amaute a khem Satan pen ganhing le kamsang zuau pa a omna mun, kat a kikhulna meiphualpi sungah kilawn a, a sun a zanin tua lai munah amaute in gimna a thuak tawntung ding uh ahi hi.

Mangmuhna 20:7

Kum tulkhat a cin ciangin a thongkiatna panin Satan kikhah ding a,

Hebru 2:1

Tua ahih manin i zaksa thuman thutakte i khahsuahkhak loh nadingin kiptak khotakin i letkip ding kisam hi.

2 THESALONIKA NIHNA 2:9

Satan’ vangliatna tawh A Gilopa hong pai-in, lim le nalamdang a tuamtuamte hong bawl ding a,

Mattiu 22:5

Ahi zongin a khohsa mite in na thusim lo uh a, pawlkhat in lo na kuansanin, pawlkhat in a sumbukah na paisanin,

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

Mattiu 4:10

Jesuh in, “Satan aw, taikhia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

Zekhariah 3:1

Topa in maang hong musak a, Topa’ vantungmi mai-ah siampi lianpen pa Joshua’ mawhna a zong dingin a kiangah Satan zong a om ka mu hi.

Piancilna 19:14

Tua ahih ciangin Lot paikhia-in a tanute a tenpih dingte kiangah, “Manlangin hih khua panin paikhia un. Bang hang hiam cih leh Topa in hih khuapi a susia ding hi ta hi,” a ci hi. Ahih hangin amah pen a mak dingte tungah a ciamnui bang lel hi.

Hebru 12:16

Numei tawh a mawh mite suakkha kei unla, Esau bangin annek khat tawh innluah za a zuak mi na suahkhak loh nadingun kidawm un.

Sawltak 17:32

Sihna panin thawhkikna thu Paul in a gen a zak uh ciangin mi pawlkhat in zahpihbawl uh a, ahi zongin mi pawlkhat in, “Hih thu khatvei zakik nuam lai ung,” a ci uh hi.

Marka 4:14

Khaici vawhpa in khaici vawh bangin Pasian’ thu a vawh hi.

Marka 4:16

Mi pawlkhatte, khaici pawlkhat a tukna suang kitawphah leilak tawh kibang uh hi. Thu a zak phetun lungdam takin sang uh hi.