Marka 4:11 - Tedim Bible

¹¹ Jesuh in, “Pasian’ Ukna tawh kisai thusim, Pasian in note tungah hong gen khinzo hi. Ahi zongin a pualama om mite tungah na khempeuh, thugentehna bek tawh kigen hi.

Tedim Bible Revision 2017

¹¹ Jesu in, “Pasianʼ Ukna tawh kisai thusim, Pasian in note tungah hong gen khinzo hi. Ahi zongin a pualam a om mite tungah na khempeuh, thu gentehna bek tawh kigen hi.

Marka 4:11 Referans Kwoze

Mattiu 11:25

Tua ciangin Jesuh in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Luka 8:10

Jesuh in, “Pasian’ Ukna thu tawh kisai thusim, note tungah hong kigen hi. Ahi zongin midangte in, en en napi-un a muh loh nading za za napi-un a tel loh nadingun amaute tungah thugentehna tawh thu kigen hi,” a ci hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

1 THESALONIKA MASA 4:12

Tua bangin gamta le-uhcin thu um lo mite in note hong zahtak ding uh a, mite’ neihsa na duhgawh kei ding uh hi.

Kolose 4:5

A pualam mite tungah a kilawm a kituakin gamta unla, hunhoih na ngah khempeuh uh na valkhongsak ngei kei un.

1 TIMOTI MASA 3:7

Pawlpi mi ahi lo midangte in zong a zahtak mite hi ding hi. Tua hileh mindai kha lo ding a, Dawimangpa’ thangah awk kha lo zawdeuh ding hi.

Efesa 1:9

Pasian in a pilna le a thumuhnate zangin ama geelsa bangin hong sem a, Khrih zangin a sepnop thusimteng eite tungah hong kilangsak hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.

Mattiu 16:17

Tua ciangin Jesuh in ama kiangah, “Jonah’ tapa Simon aw, hoih mahmah hi. Hih thu, leitung pilna tawh na theihtawm hi lo a, vantungah a om ka Pa in nangma tungah hong hilh ahi hi.

Mattiu 13:16

Ahi zongin note’ mit in mu-in na bil un za ahih manin a hampha mahmah na hi uh hi.

1 KORIN MASA 4:7

Note in bang kisaktheihpih na hi uh hiam? Tu-a na neih khempeuh uh Pasian’ hong piak hi lo ahi hiam? Tua ahihleh hong kipiasa bek ahih manin a bang kisaktheihpih na hi uh hiam?

Marka 3:23

Tua ahih ciangin Jesuh in ama kiangah mite samin thugentehna tawh thu hilh a, “Satan in Satan bangci hawlkhiat theih ding ahi hiam?

Marka 4:2

Amah in thugentehna tawh thu tampi hilh a, a thuhilhna-ah:

Marka 4:10

Mihonpite a ven’, amah guak a om ciangin nungzui sawm le nihte le ama thugen a za mite in, na thugentehna a khiatna hong gen in, ci-in a ngen uh hi.