Marka 3:8 - Tedim Bible

⁸ Jerusalem khua, Idumia gam, Jordan galkhat, Taia khuapi kiim le Sidon khuapi kiima om gamte in ama hihsa thute zakhin uh ahih manin, hih gamte panin mihon tampi tak, ama kiangah hong pai uh hi.

Tedim Bible Revision 2017

⁸ Jerusalem khua, Idumia gam, Jordan gal khat, Taia khuapi kiim le Sidon khuapi kiim a om gamte in ama hih sa thute za khin uh ahih manin, hih gamte panin mihon tampi tak, ama kiangah hong pai uh hi.

Marka 3:8 Referans Kwoze

Ezekiel 35:15

keima mi Israel-te a siatgawp manin na lungdamna zah tawh kizui-in nangma tungah kong bawl ding hi. Seir Mualtung gam ahi Edom leitang khempeuh, gamkhing suak ding hi. Tua ciangin Topa ka hihna thu mi khempeuh in hong thei ding uh hi,” hong ci hi.

Mattiu 11:21

“Khorazin khuapi mite le Bethsaida khuapi mite aw, gimna lianpi na thuak ding uh hi. Bang hang hiam cih leh note khua sungah a hong kilak na lamdangte, Taia le Sidon khua sungah kilak hileh amaute in kisikna limin sawtpekin puanhampi silhin vut kinuh ding uh hi.

Ezekiel 36:5

“Topa Pasian ahi keimah in a kimkotah a om minam dangte, le a diakdiakin Edom mite tungah ka hehluatna tawh thu ka gen hi. Amaute in lungdamin nuihna le simmawhna tawh keima leitang la-in a tang uh hi.

Isaiah 34:5

Bang hang hiam cih leh ka namsau in vantungah a sep ding khempeuh a zawh khit ciangin, en un, a siamang dinga ka sehsa Edom mite tungah thu a khen dingin hong kumsuk ding hi.

Marka 7:24

Tua lai panin Jesuh dingkhia-in Taia khuakiim gamah a pai hi. Inn khat sungah lut a, kuamah in a theih loh ding a ut hangin a busim thei kei hi.

Late 87:4

Kei hong theite lakah Egypt le Babylon ka hel hi. Filistia, Taia le Ethiopia te zong kihel a, “Hihte pen hua lai mah panin a piang ahi hi,” kici ding hi.

Late 45:12

Mi haupen ahi Taia mite in na manpha namkim letsong tawh nang hong maivil ding uh hi.

Marka 7:31

Tua ciangin Taia khuakiim gam panin Jesuh paikhia a, Sidon khuapi nawkin pai a, Khuapi Sawmte gam lam tawnin Galilee Tuili-ah a tung hi.

Joshua 15:1

Amau’ beh tawh kizui-in Judah mite’ ngah pen leitaw lamah Edom gamgi ciang hi a, leitaw lam a gamla penna munah Zin gam ciang ban hi.

Joshua 15:21

Leitaw lam mongciik, Edom gamgi lamah Judah minamte’ neih khuapite: Kabzeel, Eder, Jagur,

Mattiu 4:25

Galilee gam, Khuapi Sawmte gam, Jerusalem khua, Judea gam le Jordan Gun galkhat gam panin mi tampi tak in Jesuh a zui uh hi.

Luka 6:17

Tua mualtung panin Jesuh le a nungzui teelte paisuk uh a, a nung a zui midang tampite tawh mun zang khatah a ding hi. Jerusalem khua le Judea gam khempeuh le tuipi gei-a om Taia khua le Sidon khuapite panin a hong pai mihon tampi zong hong om uh hi.