Marka 3:17 - Tedim Bible

¹⁷ Zebedi’ tapa James le a naupa Johan (Jesuh in hih unaute pen “Vanging bang,” a cih nopna Boanerges min a phuahte),

Tedim Bible Revision 2017

¹⁷ Zebediʼ tapa James le a naupa Johan (Jesu in hih unaute pen “Van ging bang,” a cihnopna Boanerges min a phuahte),

Marka 3:17 Referans Kwoze

Hebru 4:12

Pasian’ thu nungta-in a gamtang hi a, langnih a hiam namsau sangin hiamzaw lai hi. Kha le lungsim, guh le taang kituahna, guh le guhngek dongin khenkhia thei hi. Mihingte’ lungsim ngimna le a ngaihsutnate zong theithei hi.

Marka 14:33

Tua ciangin Peter, James, le Johan-te paipih lai a, nakpitakin lungkhamin a dahna hong kipan hi.

Marka 5:37

Tua lai panin Jesuh in Peter le James le a nau Johan longal kuamah dang kizuisak nawn lo hi.

Jeremiah 23:29

Ka kammal pen mei tawh ahi a, suangtum a satnenzo sek tawh ahi zongin kibang hi lo ahi hiam, Topa in kong ci hi.

Sawltak 12:1

Hih hun pawl laitakin Herod Kumpipa in pawlpi mite pawlkhat bawlsiat ding kipan hi.

Johan 21:2

Simon Peter, Unau Peeng minno a nei Thomas, Galilee gam Kana khuami Nethanel, Zebedi’ tapate, le nungzui dang nihte mun khatah a omkhawm uh hi.

Marka 10:35

Tua laitakin Zebedi’ tapa James le Johan in Jesuh hong naih uh a, “Kong nget peuhpeuh uh nong vaihawmsak ding ka deih uh hi,” a ci uh hi.

Marka 9:2

Tua zawh ni guk khit ciangin Jesuh in Peter, James, le Johan-te samin amauteng guak mualtung khatah a paipihto hi. Amaute’ muhtangpi mahin Jesuh a mel hong kikheel a,

Isaiah 58:1

Na aw siit hetloin nakpitakin kiko inla, peengkul aw bangin gingsak in. Ka mihingte tungah amau’ khialhnate gen inla, Jakob innkuan tungah amau’ mawhnate gen in.

Mangmuhna 10:11

Tua ciangin keima kiangah, “Minam tuamtuam, pau nam tuamtuam a zangte le kumpite tungah a piang ding thu na gen ding kisam lai hi,” hong kici hi.

Mattiu 4:21

Tua lai panin a paikhiat khit uh ciangin Zebedi tapa James le Johan-te unau, a pa uh tawh gunkuang sungah ngen puahin a om mu leuleu a, amau tegel zong a sam hi.

Marka 3:16

Tua a teel mi sawm le nihte: Simon (Jesuh in a min thak dingin Peter a phuah pa),

Marka 3:18

Andru, Filip, Bartholomew, Matthai, Thomas, Alfeas’ tapa James, Thaddeas, Simon (gam khual pa),

Luka 9:54

A nungzuite sung pan James le Johan in hih thu a theih uh ciangin Jesuh kiangah, “Topa aw, vantung panin meikuang ngenin amaute kangtumsak le ung nong awi hiam?” a ci uh hi.