Marka 3:12 - Tedim Bible

¹² Dawite in amah kua mi ahi cihna thu a genkhiat loh nadingun Jesuh in nakpitakin dawite a kham hi.

Tedim Bible Revision 2017

¹² Dawite in amah kua mi ahi cihna thu a genkhiat loh nadingun Jesu in nakpi takin dawite a kham hi.

Marka 3:12 Referans Kwoze

Mattiu 12:16

Pasian in kamsang Isaiah tungtawnin a gen thu a tuntheih nadingin, kuama kiangah ama thu a gen loh nadingun thu a pia hi. Tua a genna-ah,

Marka 1:34

Jesuh in natna namkim a vei mi tampi damsak a, dawi tampi tak zong a hawlkhia hi. Dawite in Jesuh thei uh ahih manin, Jesuh in dawite thu gensak lo hi.

Marka 1:25

Jesuh in, “Pau kei in; hih mipa sung panin paikhia in,” ci-in tua dawi tungah thu a pia hi.

Mattiu 8:4

Tua ciangin Jesuh in ama kiangah, “Hih thupiang kuama kiangah gen masa loin siampipa kiangah va paisuak pahin va kivelsak inla, na damkhitna thu mi khempeuh in a theih nadingin Moses thupiakna tawh kizui-in biakna va pia in,” ci-in a vaikhak hi.

Sawltak 16:18

Tua bangin ni tampi sung awng ngitnget ahih manin a sawtna ciangin Paul in nawngkaisa ahih manin kihei-in a dawi kiangah, “Hih numei sung panin na paikhiat nadingin Jesuh Khrih min tawh thu kong pia hi,” a cihkhit phetin, tua numei sung panin dawi a paikhia pah hi.

Mattiu 9:30

Tua ciangin amaute in khua mukik uh a, Jesuh in amau tegel kiangah, “Hih thupiang kuamah theisak kei un,” ci-in khauh takin a gen hi.