Marka 3:11 - Tedim Bible

¹¹ Tua laitakin mite’ sunga lut dawite in Jesuh a muh uh ciangin a mai-ah pukin kiko uh a, “Nang pen Pasian’ Tapa na hi hi,” a ci uh hi.

Tedim Bible Revision 2017

¹¹ Tua laitakin miteʼ sunga lut dawite in Jesu a muh uh ciangin a mai ah pukin kiko uh a, “Nang pen Pasianʼ Tapa na hi hi,” a ci uh hi.

Marka 3:11 Referans Kwoze

Luka 4:41

Mi tampi sung panin dawite zong taikhia uh a, “Nang pen Pasian’ Tapa na hi hi,” ci-in a kiko uh hi. Amah pen Khrih ahihlam thei uh ahih manin amaute taii-in pausak lo hi.

Luka 8:28

Jesuh a muh ciangin nakpitakin awngin a mai-ah khukdin a, “A Lian Pasian’ Tapa Jesuh aw, kei bang hong nuammawh na hi hiam? Kei, gim nong piak loh nadingin ka hong thum hi,” ci-in nakpitakin a kiko hi.

Jeim 2:19

Pasian khat bek om hi, ci-in na um hi. Tua pen hoih mahmah hi. Dawite nangawn in zong tua bangin umin lau-in ling deldel uh hi.

Mattiu 8:29

Amaute nakpitakin hong kiko uh a, “Pasian’ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Mattiu 4:3

Tua ciangin ama kiangah Dawimangpa hong pai a, “Pasian’ Tapa na hih takpi le hih suangte anlum a suah nadingin thu pia in,” a ci hi.

Sawltak 16:17

Tua numei in Paul le kote hong zui-in, “Hih mite, A Lianpen Pasian’ nasemte ahi uh hi. Note a hong kihotkhiat theih nading thu a hong gen uh ahi hi,” ci-in a kiko hi.

Mattiu 8:31

Tua ciangin dawite in Jesuh kiangah, “Kote hong hawlkhia ding na hih leh hua vokte sungah hong lutsak in,” ci-in a thum uh ciangin

Mattiu 4:6

“Pasian’ Tapa taktak na hih le Lai Siangtho sungah, ‘Pasian in nang a hong kem dingin a vantung mite hong sawl ding hi. Na khete le suang a kitahkhak loh nadingin vantung mite in a khut uh tawh nang hong dom ding hi,’ ci-in kigelh ahih manin, hih lai panin tuaksuk in,” a ci hi.

Mattiu 14:33

Tua ciangin gunkuang sungah a om nungzuite in Jesuh bia uh a, “Pasian’ Tapa taktak na hi hi,” ci-in a gen uh hi.

Marka 1:1

Pasian’ Tapa Jesuh Khrih tawh kisai Lungdamna Thu hih bang ahi hi.

1 KORIN MASA 11:34

Tua bangin na kikhop uh ciangin Pasian’ thukhenna na thuakkhak loh nadingun a gilkial na om uhleh zong na inn uhah an ne masa un. Thu dangdangte ahihleh ka hong pai ciangin ka hong gen ding hi.