Marka 2:27 - Tedim Bible

²⁷ Tua ciangin Jesuh in, “Sabbath ni, mihingte’ phattuam nadingin a kibawl hi a, mihing pen Sabbath ni a phattuam nadingin a kibawl hi lo hi.

Tedim Bible Revision 2017

²⁷ Tua ciangin Jesu in, “Sabbath ni, mihingteʼ phattuam nadingin a kibawl hi a, mihing pen Sabbath ni a phattuam nadingin a kibawl hi lo hi.

Marka 2:27 Referans Kwoze

Kolose 2:16

Tua ahih manin annek tuidawn, biakna pawite, Khadet pawi, le Sabbath ni tawh kisai-in kuamah in ngeina zuih ding bawl kei un.

Luka 6:9

Tua ciangin Jesuh in amaute kiangah, “Note tungah thu khat kong dong nuam hi. Sabbath ni-in a pha bawl ding le a sia bawl ding koi kilawmzaw a, mi khat’ nuntakna suahtaksak ding le siatsak ding koi hoihzaw ahi hiam?” a ci hi.

Thu-hilhkikna 5:14

Ahih hangin a ni sagih ni pen Topa note’ Pasian’ Sabbath ni ahi hi. Tua ni-in note bangin na nasem numei le na nasem pasalte uh a tawlngak theih nadingin note, na tapate, na tanute, na nasemnute, na nasempate, na bawngtal, na la, na ganhing khat peuhpeuh uh le na huang sung uha om zinte in na khat peuhpeuh sem lo ding uh hi.

Ezekiel 20:12

Topa ahi keimah in amaute pen mi siangtho-in ka bawlna thu a phawk nadingun kote’ kikalah thukimna limin Sabbath tan’ ding thu ka pia hi.

Isaiah 58:13

Note in Sabbath siangtho sakin, keima ni siangtho ni-in na nasepna panun khawlin Sabbath ni pen deihhuai sa-in, Topa’ ni siangtho pen pahtawihuai na cih uh a, note in pahtawi-in note’ deih bang zui loin, note’ ut bang hi loin motpau loin na om uhleh,

Ezekiel 20:20

Kei pen Topa ahi note’ Pasian ka hihna na phawkna ding uh le note tawh i bawlsa thukimna lim dingin Sabbath-te na siangthosak un,’ ka ci hi.

Paikhiatna 23:12

“Ni guk sung na nasep uh na sem ding uh hi. Ahih hangin na bawngtal le na la in tawlngakna a neih theih nading le, na nasem numei’ tapa le khual mite in thathak a ngah theih nadingin a ni sagih ni-in na tawlnga ding uh hi.

Johan 7:23

Moses thupiakna a kipelh loh nadingin Sabbath ni-in vun at na hih uhleh Sabbath ni-in mi khat ka damsak manin bang hangin kei tungah heh na hi uh hiam?

2 KORIN NIHNA 4:15

Hih thute khempeuh note a’ ding a kikhualna hi a, Pasian’ hehpihna in mi tam ban semsem leh mi a tam semsem mah in Pasian’ minthan nadingin lungdam ko-in thu ngen ding uh hi.

Thu-hilhkikna 5:12

“‘Topa note’ Pasian in hong thupiak bangin na sianthosak nadingun Sabbath ni tang un.

Marka 2:28

Tua ahih ciangin Mihing Tapa pen Sabbath ni nangawn a ukpa ahi hi,” ci-in a thugen a khum hi.