Marka 2:26 - Tedim Bible

²⁶ Tua ahih ciangin Pasian’ biakinn sungah lutin Pasian biakna-a a kipia anlumte a ne uh hi. Abiathar in siampi lianpen a sep laitakin hih thu piang hi. I Thukham tawh kizui-in ci lehang, hih anlumte pen siampite bek in a nektheih ding hinapi-in David in ne-in, a mite nangawn a pia lai hi,” ci-in a dawng hi.

Tedim Bible Revision 2017

²⁶ Tua ahih ciangin Pasianʼ biakinn sungah lutin Pasian biakna-a a kipia anlumte a ne uh hi. Abiathar in siampi lianpen a sep laitakin hih thu piang hi. I Thukham tawh kizui-in ci lehang, hih anlumte pen siampite bek in a nek theih ding hi napi-in David in ne-in, a mite nangawn a pia lai hi,” ci-in a dawng hi.

Marka 2:26 Referans Kwoze

2 SAMUEL NIHNA 8:17

Ahitub’ tapa Zadok le Abiathar’ tapa Ahimelek siampi ahi uh hi. Seraiah lai-at pa ahi hi.

1 KHANG TANGTHU MASATE 24:6

Tua ciangin Levi mi Nethanel’ tapa ahi lai-at pa Shemaiah in kumpipa, uliante, siampi Zadok, Abiathar’ tapa Ahimelek, siampite, le Levi mi beh lutangte’ omna-ah amaute ciamteh hi. Eleazar’ suante-a’ dingin khat kiteelin, tua ciangin Ithamar’ suante a dingin khat kiteel a, kilaihsak niloh uh hi.

1 SAMUEL MASA 21:1

Tua ciangin Nob khua-a siampipa Ahimelek kiangah David pai hi. Ahimelek a lingsa-in David a dawn dingin hong pai-in ama kiangah, “Bang hangin nang guak hong hi a, kuamah hong tonpih lo na hi hiam?” a ci hi.

1 KUMPI MASATE 4:4

Galkapte a uk nasep: Jehoiada’ tapa Benaiah ahi hi. Siampite nasep: Zadok le Abiathar ahi uh hi.

1 KUMPI MASATE 2:22

Kumpi Solomon in a nu dawngin, “Bang hangin Adonijah a dingin Shunem mi Abishag hong ngen na hi hiam? Kumpi gam zong ama a dingin ngetsak lai vet in; bang hang hiam cih leh amah ka u hi a, ama lamah siampi Abiathar le Zeruiah’ tapa Joab pang hi,” a ci hi.

1 KUMPI MASATE 1:7

Amah in Zeruiah’ tapa Joab le siampi Abiathar tawh vaihawm hi. Amaute in Adonijah zui-in amah panpih uh hi.

2 SAMUEL NIHNA 20:25

Sheva pen lai-at pa ahi hi. Zadok le Abiathar siampite ahi uh hi.

2 SAMUEL NIHNA 15:35

Siampi Zadok le Abiathar tua lai-ah nang tawh om hi lo ahi hiam? Tua ahih ciangin kumpipa’ inn pan na zak peuhpeuh siampi Zadok le Abiathar’ kiangah gen in.

2 SAMUEL NIHNA 15:29

Tua ahih ciangin Zadok le Abiathar in Pasian’ Thuciamna Singkuang Jerusalem-ah puakik uh a, amaute tua lai-ah om uh hi.

2 SAMUEL NIHNA 15:24

Tua ciangin Abiathar hong paito a, Zadok zong Levi mi khempeuh tawh hong pai-in Pasian’ Thuciamna Singkuang hong pua uh hi. Mi khempeuh in khuapi a khen’ khit mateng amaute in Pasian’ Thuciamna Singkuang nga phot uh hi.

1 SAMUEL MASA 23:9

Saul in ama tungah a sia a sawmna David in thei hi. Amah in a siampi Abiathar kiangah, “Hih lai-ah siampipuan hong paipih in,” a ci hi.

1 SAMUEL MASA 23:6

David kiang Keilah-ah Ahimelek’ tapa Abiathar a tai lai-in amah in siampipuan khat kengin paisuk hi.

Mattiu 12:4

Pasian’ inn sungah amah lut a, siampite lobuang, amah le a kikholhpihte in a nektheih ding ahi lo Ompihna Anlum la-in amah le a kikholhpihte in a ne uh hi.

Marka 2:25

Jesuh in, “David in annek ding a kisap laitakin a gamtatna thu sim ngei lo na hi uh hiam? Amah le a mite a gilkial uh hi.