Marka 16:16 - Tedim Bible

¹⁶ Lungdamna Thu umin tui a kiphum mi peuhpeuh in hotkhiatna ngah ding a, a um lo mi peuhpeuh in mawhsakna thuak ding uh hi.

Tedim Bible Revision 2017

¹⁶ Lungdamna Thu umin tui a kiphum mi peuhpeuh in hotkhiatna ngah dinga, a um lo mi peuhpeuh in mawhsakna thuak ding uh hi.

Marka 16:16 Referans Kwoze

Johan 3:36

Tua ahih manin Tapa a um mi peuhmah nungta tawntung ding a, Tapa’ thu a mang lote in nuntak mu lo ding a, amaute tungah Pasian heh tawntung ding hi,” a ci hi.

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesuh Khrih min tawh tui kiphum ciat un. Tua hileh Pasian’ piakkhong Kha Siangtho na ngah ding uh hi.

Johan 5:24

“A mantakin kong genin-ah: Ka thugennate za-in kei hong sawl pa a um khempeuh a nungta paisuak ding hita hi. Mawhsak thukhenna ngah nawn loin, sihna panin a hingkik ta ahi hi.

Johan 8:24

Kei pen, ‘Kei ka hihlam na hong up kei uhleh na mawhna uh a sihpih ding na hih manun, na mawhna uh na sihpih ding uh hi,’ ci-in ka hong genna pen hih thu hang ahi hi,” a ci hi.

Johan 6:29

Jesuh in, “Pasian in a hong sawl pa um le-uhcin Pasian a lungkim nadingin a gamta na hi uh hi,” ci-in a dawng hi.

Johan 3:5

Jesuh in, “A mantakin kong genin-ah, mi khatpeuh tui le Kha Siangtho tawh a suahkik kei leh Pasian’ Ukna sungah lut thei lo ding hi.

Sawltak 10:43

Amah a um mite khempeuh in ama min hangin a mawhna uh a mai nading thu, kamsangte khempeuh in zong gen belin a neih khat uh ahi hi,” a ci hi.

Johan 20:31

Hih laibu sungah a kigelh thute pen Jesuh, Pasian’ Tapa, Khrih ahihna thu na uptheih nading uh le ama min hangin tua upna tawh nuntakna na ngahtheih nading uh deihna tawh a kigelh ahi hi.

Mangmuhna 20:15

A nungta mite a kigelhna laibu sungah a min a om lo peuhmah meiphualpi sungah kilawn hi.

Johan 6:35

Tua ciangin Jesuh in, “Kei pen nuntakna an ka hi hi. Ka kiangah hong paite gilkial ngei nawn lo ding a, kei hong umte dangtak ngei nawn lo ding hi.

1 PETER MASA 3:21

Tui pen note a hong honkhia tuiphumna lim hi a, pumpi panin nin sawpkhiatna lim hi loin, Jesuh Khrih thawhkikna hangin lungsim siantho nadingin Pasian’ tungah kamciamna lim ahi hi. Tua Jesuh thawhkikna in note hong honkhia ahi hi.

Marka 1:15

“A hunhoih hong tungta a, Pasian’ Uk ding hun hong kipanta hi. Na mawhna uh kisikkik unla, hih Lungdamna Thuthak um un,” ci-in a hilh hi.

Sawltak 22:16

Tu-in bang ngak lai ding na hi hiam? Tho inla, Pasian kiangah thu ngenin kituiphum inla, na mawhnate silsiangsak in,’ hong ci hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

Sawltak 2:41

Mi tampi in ama thugen umin tui kiphum uh a, tua ni-in mihing tulthum bang kibehlap uh hi.

Luka 8:12

Lamdungah khaici a tukna munte pen Pasian’ thu a zate a cihnopna ahi hi. Tuate in Pasian’ thu a zak hangun a thu um loin, hotkhiatna a ngah loh nadingun Dawimangpa hong pai-in a lakkhiatsak hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un.

Mangmuhna 21:8

Ahi zongin a meidawite, a lehtatte, a lampialte, mi thatte, a paktatte, aisante, milim biate, le zuaugente om nading mun pen sihna nihna ahi kat a kikhulna meiphualpi kuang sung ahi hi,” a ci hi.

Sawltak 13:39

Tua tham loin Jesuh a um mite khempeuh pen Moses Thukham in a suahtaksak zawh loh mawhna khempeuh panin a suakta ahihna thu na theih ding uh ahi hi.

ROM (Romans) 4:24

Sihna panin i Topa Jesuh a hingsak pa a um eite khempeuh zong i upna hangin mihoihin hong kisang ding hi, ci-in eite a dingin zong a kigelh ahi hi.

2 THESALONIKA NIHNA 2:12

Tua ahih manin thuman um loin, mawhna sungah nuam a sa khempeuh in mawhsak thukhenna thuak ding uh hi.

2 THESALONIKA NIHNA 1:8

Pasian a thei lo mite, le i Topa Jesuh tawh kisai Lungdamna Thu a um lo mite tungah gimna a tungsak ding hi.

Sawltak 13:46

Tua ciangin Paul le Barnabas in hangtakin thu gen uh a, “No Jew mite tungah Pasian’ thu kong gen masak ding mah uh ahi hi. Ahi zongin note in Pasian’ thu nialin, nuntak tawntungna a ngah dingin kilawmzo kisa lo na hih manun, note kiang panin paikhia-in Gentail mite kiangah ka pai ding uh hi.

ROM (Romans) 3:6

Gim hong piakna-ah a thuman lo hi het lo hi. A thuman lo hi zenzen leh bangci-in leitung mi khempeuh’ thu khenthei ding ahi hiam?