Marka 16:14 - Tedim Bible

¹⁴ (Tua khit ciangin a tawpna-ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu mite’ thugen um lo uh ahih manin a lungkhauhna uh le a up lohna hangun amaute a taii hi.

Tedim Bible Revision 2017

¹⁴ (Tua khit ciangin a tawpna ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu miteʼ thugen um lo uh ahih manin a lungkhauhna uh le a up lohna hangun amaute a taii hi.

Marka 16:14 Referans Kwoze

1 KORIN MASA 15:5

Tua ciangin Peter kiangah kilang a, a zomah sawltak sawm le nihte kiangah kilang hi.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisik kik un.

Johan 20:27

Thomas kiangah, “Na khutme tawh hong lawng inla ka khutte en in. Na khut zan inla ka pangpi zong lawng in. Umlah nawn kei inla, um taktak in,” a ci hi.

Mattiu 11:20

Tua ciangin Jesuh in nalamdang tampi a bawlna mun khuapi mite kisik nuam lo uh ahih manin taiibawl ding kipan a,

Luka 24:25

Tua ciangin Jesuh in amau tegel kiangah, “Bangzah takin hai a, bang dingin kamsangte’ thugen um thei lo na hi uh hiam?

Marka 7:18

Jesuh in, “Note in zong bangmah a thei lo himawk hi lo na hi uh hiam? A pualam panin mite sungah a tum nate in mi ninsak thei lo hi.

Mattiu 17:20

Jesuh in, “Na upna uh a cingtaak lohna hang ahi hi. Ahi taktakin note kiangah kong genin-ah: Ankam tang cia bang upna na neih nak-uhleh, hih mual kiangah, ‘Hih lai panin hua lai-ah kin in,’ ci le-uhcin kinkhia ding hi. Na hih theih loh uh khat zong om lo ding hi.

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi uh hiam? Amaute’ lakah ka hihsa limte om napi-in, amaute in bang tanvei hong um lo lailai ding ahi uh hiam?

Mattiu 28:17

Amaute in Jesuh a muh uh ciangin bia uh a, ahi zongin pawlkhat in umzo taktak lo uh hi.

Luka 24:11

Ahi zongin hih numeite’ thugen pen thu phuahtawm bangin ngaihsun uh a, um lo uh hi.

Johan 20:25

Tua ahih manin nungzui dangte in ama kiangah, “Topa ka mu uh hi,” a cih uhleh amah in, “A khut, siktukkilh tawh a kikilhna mate mu-in, tua a siktukkilh ma vangah ka khutmete ka va khum teek kei a, ama pangpi zong ka khut tawh ka lawn’ teek kei leh ka um kei ding hi,” a ci hi.

Johan 20:26

Tua zawh nipikal khat ciangin nungzuite zong innsung khatah kikhawm leuleu uh a, tua hunin Thomas zong a om hi. Amaute kong kikhaknelh uh hinapi-in Jesuh hong pai-in amaute lakah hong ding a, “Nopna ngah ta un,” ci-in a hopih khit ciangin

Johan 21:1

Tua khit ciangin a nungzuite omna Tiberias Tuili gei-ah Jesuh kilang leuleu a, a thu pianzia hih bang ahi hi:

Johan 21:14

Hih pen sihna panin Jesuh a kithawhkiksak khitzawh nungzuite tungah a kilah a thum veina hita hi.

Sawltak 1:3

Ama sih khitzawh ni sawmli sung amaute tungah tam veipi kilang a, amah a nungta taktak ahihna teltakin a kithei ahi hi. Amaute in amah mu uh a, Pasian’ Ukna thu amaute tungah a gen hi.