Marka 15:34 - Tedim Bible

³⁴ Nitak nai thum laitakin Jesuh nakpitakin kiko a, “Ka Pasian, ka Pasian aw, bang hangin kei hong nusia na hi hiam?” a cihna ahi, “Eloi, Eloi, lama sabakthani?” a ci hi.

Tedim Bible Revision 2017

³⁴ Nitak nai thum laitakin Jesu nakpi takin kiko a, “Ka Pasian, ka Pasian aw, bang hangin kei hong nusia na hi hiam?” a cihna ahi, “Eloi, Eloi, lama sabakthani?” a ci hi.

Marka 15:34 Referans Kwoze

Late 22:1

Ka Pasian, ka Pasian aw, bang hangin kei hong nusia na hi hiam? Nong huhna ding ka hong thumna panin bang hangin gamla om na hi hiam?

Mattiu 27:46

Nitak nai thum hun pawl laitakin Jesuh nakpitakin kiko a, “Ka Pasian, ka Pasian, bang hangin kei hong nusia na hi hiam?” a cihna ahi, “Eloi, Eloi, lama sabakthani,” a ci hi.

Hebru 5:7

Leitungah mihingin Jesuh a omlai-in sihna panin amah a honkhia thei ding Pasian tungah thu ngenin khitui naptui tawh thumin na kiko hi.

Late 27:9

Kei kiang panin na maitang seel kei in. Hehpihna tawh na nasempa hong hawlkhia kei in; kei hong nei pa na hi hi. Hong paaikhia kei inla, hong nusia kei in, kei hong honkhia Pasian aw.

Late 71:11

“Pasian in amah nusiazo a, amah a hon ding kuamah om lo ahih manin, amah delhin man ni,” kici uh hi.

Daniel 9:21

Thu ka nget laitakin ka maangmuh masak sunga ka muh mipa Gabriel, ka omna munah a hong leengsuk hi. Tua hun pen nitak lam biakpiak hun laitak ahi hi.

Isaiah 41:17

Keima mite in tui duhin, tui zongin, a dang uh a taak ciangin amau’ hong thungetna ka pia ding a, Israel-te’ Pasian keimah in amaute ka nusia kei ding hi.

Late 42:9

“Bang hangin kei hong mangngilh na hi hiam? Galte in hong sukcip manin bang hangin kapin kidikdik ka hi hiam?” ci-in ka Pasian, kei a hong huhpa’ tungah ka gen hi.

Sawltak 10:3

Khatvei nitak nai thum pawlin maang mu a, Pasian’ vantungmi khat hong pai-in ama kiangah, “Kornelias aw,” ci-in a sapna teltakin a thei hi.

Luka 23:46

Tua ciangin nakpitakin Jesuh kiko a, “Pa aw, nangma khut sungah keimah kong ki-ap hi,” a cih khit ciangin a si ta hi.

Luka 23:44

Tua hun laitak pen sunkim nai sawm le nih pawl hi a, ni mial ahih manin nitak lam nai thum ciang dong leitung khempeuhah khua mial a,

Kah la 5:20

Bang hangin sauveipi hong pampaih na hi hiam? Kote hong phawkkik nawn lo takpi ding na hi hiam?

Kah la 1:12

A kiim a pamah a pai mi khempeuh kiangah, “Hong en in, kei’ thuak zahin gimna a thuak, Topa in a heh laitakin a hong thuaksak gimna a thuak kei longal, midang kuamah om lo hi,” ci-in a kiko hi.

Mattiu 27:45

Sun nai sawm le nih hun a kipanin nitak nai thum dong, nai thum sung, tua gam sung khempeuhah khim a zing hi.

Marka 15:25

Jesuh, singlamteh tungah a khai hun pen zingsang nai kua laitak ahi hi.

Marka 15:35

Tua a kikona a zak uh ciangin tua lai-a om mi pawlkhatte in, “Elijah a sam hi,” a ci uh hi.