Marka 15:18 - Tedim Bible

¹⁸ A zahtakbawl bang keekin hopih uh a, “Jew mite’ Kumpipa aw, na khansau ta hen!” a ci uh hi.

Tedim Bible Revision 2017

¹⁸ A zahtak bawl bang keekin hopih uh a, “Jew miteʼ Kumpipa aw, na khansau tahen!” a ci uh hi.

Marka 15:18 Referans Kwoze

Marka 15:2

Pilat in, “Nang, Jew mite’ Kumpipa na hi hiam?” ci-in a dot ciangin Jesuh in, “Nang zong tua mah nong ci hi,” ci-in a dawng hi.

Piancilna 37:20

Tu-in hong pai un. Amah thatin dum sung khatah lawn ni. Tua ciangin gamsa khat in amah netum khin hi, i ci ding hi. A mangte bang a suak hiam i mu ding hi,” a kici uh hi.

Piancilna 37:10

Ahih hangin amah in a pa le a sanggamte’ kiangah a gen ciangin a pa in amah taii-in, “Nangma mat hih mang a bangci mang ahi hiam? Kei le na nu le na sanggamte, nangma mai leilakah a kun dingin hong pai ding ka hi uh hiam?” a ci hi.

Mattiu 27:29

Kumpi lukhu lim dingin ling vialin a lu-ah khusak uh a, a khut taklamah pumpeeng khat a tawisak uh hi. Tua ciangin ama mai-ah khukdin uh a, “Jew mite’ Kumpipa aw,” ci-in zahpihna tawh a hopih uh hi.

Marka 15:17

Jesuh, puansan silhsak uh a, ling lukhu bawlin a lu tungah a khusak uh hi.

Marka 15:19

Tua ciangin pumpeeng tawh a lu satin cilphih uh a, a zahtakbawl kineihin a mai-ah a kun uh hi.

Johan 19:3

ama kiangah nehin, “Jew mite Kumpipa, na khansau ta hen!” ci-in hopihin a khut uh tawh a beeng uh hi.