Marka 15:15 - Tedim Bible

¹⁵ Pilat in mihonte lungkimsak nuam ahih manin Barabbas khah a, Jesuh a satsak khit ciangin singlamteh tungah thah dingin galkapte’ khut sungah a ap hi.

Tedim Bible Revision 2017

¹⁵ Pilat in mihonte lungkimsak nuam ahih manin Barabbas khah a, Jesu a satsak khit ciangin singlamteh tungah thah dingin galkapteʼ khut sungah a ap hi.

Marka 15:15 Referans Kwoze

Johan 19:1

Tua ciangin Pilat in ama kiangah Jesuh paipih sakin a satsak hi.

Mattiu 27:26

Tua ciangin amaute’ deihna bangin Barabbas khah a, Jesuh ahihleh a sat khit ciangin singlamteh tungah thah dingin a piakhia hi.

Isaiah 50:6

Hong satte, ka nung ka dawh a, ka khamul-in a hong kai mite, ka paang ka dawh hi. Maizumna le cilphihna panin ka maitang ka hei kei hi.

Marka 10:34

Tua mite in amah simmawh bawlin, cilphihin, satin a that ding uh hi. Ni thum khit ciangin amah thokik ding hi,” a ci hi.

Paunak 29:25

Midangte kihtakna in hong lunghimawhsak a, Topa muanna in hong lungmuangsak hi.

Late 129:3

Lo khote in lei a kuih bangin ka nungzang hong kuikek uh a, tu-ma-kuakte tawh kibangsak uh hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.

Johan 19:16

Tua ahih ciangin singlamteh tungah thah dingin amaute’ khut sungah Jesuh a pia ta hi.

Late 57:11

Pasian aw, vantungah na liatna kilangsak in. Leitung khempeuhah na minthanna omsak in.

Galati 1:19

Tua hun laitakin Topa’ sanggam James simloh sawltak kuamah dang ka mu kei hi.

Sawltak 25:9

Jew mite’ pahtak ding ut ahih manin Festas in Paul kiangah, “Jerusalem khua-ah va pai-in, keima mai mahah hih thute tawh kisai-in thusitna hong kinei leh na ut hiam?” ci-in a dot ciangin

Sawltak 24:27

Ahi zongin tua zawh kum nih hong bei ciangin Feliks sepna pen Porsias Festas in hong laih hi. Feliks in Jew mite’ pahtak ding ut ahih manin thong sungah Paul a omsak suak hi.

Luka 18:33

Tua ciangin amah satin that ding uh a, ahi zongin a ni thum ni-in hingkik ding hi,” a ci hi.

Mattiu 20:19

Gentail mite in simmawh bawlin, satin, singlamteh tungah a khai dingin amaute khut sungah a pia ding uh hi. Ahi zongin a ni thum ni-in kihing kiksak ding hi,” ci-in a tuamin thu a hilh hi.

Marka 15:14

Tua ciangin Pilat in, “Bang hangin tua ci na hi uh hiam? Bang siatna bawl ahi hiam?” a cih ciangin, “Singlamteh tungah that in,” ci-in a kinakko zaw semsem uh hi.

Luka 23:16

Tua ahih manin amah satna tawh thuhilhin ka khah ding hi,” a ci hi.