Marka 14:61 - Tedim Bible

⁶¹ Ahi zongin Jesuh pau loin a omcip hi. Tua ciangin siampi lianpen pa in, “Phatna a ngah Pasian’ Tapa, Khrih na hi hiam?” ci-in a dongkik leuleu hi.

Tedim Bible Revision 2017

⁶¹ Ahi zongin Jesu pau loin a omcip hi. Tua ciangin siampi lianpen pa in, “Phatna a ngah Pasianʼ Tapa, Khris na hi hiam?” ci-in a dongkik leuleu hi.

Marka 14:61 Referans Kwoze

Marka 15:2

Pilat in, “Nang, Jew mite’ Kumpipa na hi hiam?” ci-in a dot ciangin Jesuh in, “Nang zong tua mah nong ci hi,” ci-in a dawng hi.

Isaiah 53:7

“Amah kinengniamin gimna a kithuaksak hangin amah kam khat beek pau lo hi. Sa gote kiangah a kipaipih tuuno le a mulmette mai-ah a kipaipih tuu a ham loh mah bangin amah kam khat beek pau lo hi.

Johan 19:7

Jew mihonte in, “Amah Pasian’ Tapa-in kigen ahih manin a kithah theih nading Thukham ka nei uh hi,” ci-in a genna uh

1 PETER MASA 2:23

Amah a kizahko ciangin na ko thuk lo hi. Gimna a thuak ciangin na tawnggawp lo a, a manin thu a khen Pasian muanin a na nei hi.

Johan 10:36

Tua ahih manin kei pen Pa Pasian in hong teelin leitungah a hong sawl ka hih manin, ‘Pasian’ Tapa ka hi hi,’ ka cih ciangin bang hangin Pasian simmawhbawl hong cithei na hi uh hiam?

Johan 1:34

Tua ahih manin hih mipa pen Pasian’ Tapa hi, ci-in thei ka hih manin teci ka pang hi,” a ci hi.

Mattiu 16:16

Simon Peter in, “Nang pen a nungta Pasian’ Tapa, Khrih na hi hi,” ci-in a dawng hi.

Mattiu 8:29

Amaute nakpitakin hong kiko uh a, “Pasian’ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

Late 119:12

Topa aw, thupha ngah ta in; na ngeina kipte kei hong hilh in.

Late 39:9

Hih bangin a hong bawl nangmah na hih manin pau loin ka om a, ka kam ka ka kei hi.

Late 2:7

Topa’ thukhenna tu-in ka hong gen ding hi: Amah in keima tungah, “Nang pen ka tapa na hi a, tuni-in na Pa ka suak hi.

1 TIMOTI MASA 6:15

Kumpite’ Kumpi, topate’ Topa, thupha ngahin amah bek a lianpen ahi Pasian in hun a sak khatpeuh ciangin Jesuh hong kilangsakkik ding hi.

1 TIMOTI MASA 1:11

Thuman ka cih pen thupha tawh kidimin a minthang Pasian in ka hilh dingin kei tungah a hong piak Lungdamna Thu ahi hi.

Sawltak 8:32

Tua a sim Lai Siangtho mun pen, “A kigo dingin a kikai tuuno ham lo a, a mul a kimeetsak tuuno a ham loh mah bangin, amah kam khat beek pau lo hi.

Johan 19:9

Tua ahih manin kumpi inn huang sungah lutkikin Jesuh kiangah, “Koi lai panin a hong pai na hi hiam?” ci-in a dong hi. Ahi zongin Jesuh in dawng lo ahih manin,

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesuh in, “Kumpi hi, nangmah in na hong ci hi. Hih thuman a genkhia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 10:24

Jew mihonte ama kiangah hong kikhawm uh a, “Thu kitel loin bang tanvei koih hong sawm na hi hiam? Khrih na hih leh zong teltakin hong gen in,” ci-in a dot uh ciangin

Marka 14:60

Tua ciangin amaute khempeuh mai-ah siampi lianpen pa hong dingin Jesuh thu dong a, “Nangmah mawhsakna-in a gen uh thute na dawn nading om lo ahi hiam?” ci-in a dong hi.