Marka 14:55 - Tedim Bible

⁵⁵ Siampi liante a kipan uliante khempeuh in Jesuh a thahtheih nadingin thu zong uh a, ahi zongin bangmah mu lo uh hi.

Tedim Bible Revision 2017

⁵⁵ Siampi liante a kipan uliante khempeuh in Jesu a thah theih nadingin thu zong uh a, ahi zongin bangmah mu lo uh hi.

Marka 14:55 Referans Kwoze

Mattiu 5:22

Ahi zongin ke’n note kiangah kong genin-ah: A sanggampa tungah a heh mi in thukhenna thuakkha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai-ah thusitna thuak thei ding a, a sanggampa kiangah, ‘Mi hai,’ ci-in a simmawh mi in hell meikuang sungah khulna thuak thei ding hi.

Daniel 6:4

Tua ahih ciangin vaihawmpi dangte le gam ukpite in Daniel’ nasepna encikin a mawhna zon ding a hanciam uh hi. Ahih hangin Daniel pen a thuman le a citak khat ahih manin a mawhna le a simtatna a muzo kei uh hi.

Late 35:11

Mi a el tecite hong kipan uh a, ka theih loh thute kei hong dong uh hi.

Late 27:12

Ka langte’ deihna bangin kei hong nusia kei in; bang hang hiam cih leh teci man lote ka langah pang khin a, amaute in zuau genin kei hong tawng niloh uh hi.

1 KUMPI MASATE 21:13

Tua ciangin mi ginalo nihte hong pai-in ama mai-ah tu uh hi. Tua ciangin mi ginalo nihte in mite’ omin Naboth’ mawhna zong uh a, “Naboth in Pasian le kumpipa samsia hi,” a ci uh hi. Tua ahih ciangin amaute in khuapi pualamah amah paipih uh a, suang tawh amah denglum uh hi.

1 KUMPI MASATE 21:10

Ama mai-ah mi ginalo nih koihin ama langkhatah mawhna zong sakin, ‘Nang in Pasian le kumpipa na samsia hi,’ cisak un. Tua ciangin amah lakhia unla denglum un,” a ci hi.

Marka 14:56

Mi tampi in amah a mawhsak nadingun zuauthu gen uh a, ahi zongin a genna uh khatlekhat kituak lo hi.

Johan 18:19

Siampi lianpen pa Annas in Jesuh kiangah ama nungzuite thu le a thuhilhna tawh kisai thu a dong hi.

Johan 18:21

Tua ahih manin bang hangin kei kiangah hong dong se na hi hiam? Ka thugen a za mite kiangah dong lecin ka genteng amaute in hong genthei ding uh hi,” ci-in a dawng hi.