Marka 14:54 - Tedim Bible

⁵⁴ Peter in zong Jesuh’ nung galzuih a, siampi lianpen pa’ inntual ciangah a om hi. Tua lai-ah palikte tawh mei awi-in a tukhawm hi.

Tedim Bible Revision 2017

⁵⁴ Peter in zong Jesuʼ nung gal zuih a, siampi lianpen paʼ inntual ciangah a om hi. Tua lai ah palikte tawh mei awi-in a tukhawm hi.

Marka 14:54 Referans Kwoze

Johan 18:18

Khua dam mahmah ahih manin nasemte le palikte in meihol cih a, tua mei awi-in a kiimah ding uh ahih manin Peter zong va pai-in mei awi-in amaute tawh a dingkhawm hi.

Mattiu 26:3

Tua ciangin siampi lianpen Kaiafas inn-ah siampi liante le upate kikhawm uh a,

Johan 18:25

Tua bangin mei awi-in Simon Peter a din laitakin a kiima om midangte in, “Nang, hua mipa’ nungzuite khat hi lo na hi hiam?” a cih uhleh Peter in, “Ka hi kei hi,” ci-in a nial leuleu hi.

Luka 22:44

Lunggim mahmah ahih manin nakpitakin thu ngen semsem a, leilak a si mal gol taak bangin a khua-ul a taak hi.

Marka 14:38

Tua ciangin amaute kiangah, “Ze-etna-ah na pukkhak loh nadingun pilvangin thu ngen un. Lungsim in ze-etna nangnuam napi, pumpi in nang zo lo hi,” a ci hi.

Mattiu 26:58

Peter in siampi lianpen pa’ inntual ciang dong Jesuh’ nung galzuih a, bang thu a piang hiam cih a theih nadingin inntualah palikte kiangah a om hi.

1 KUMPI MASATE 19:13

Elijah in a zak ciangin a puan tawh a mai tuamin paikhia a, leihawm lutna-ah ding hi. Ama kiangah aw khat hong ging a, “Elijah, hih lai-ah bang hih na hi hiam?” a ci hi.

1 KUMPI MASATE 19:9

Tua ciangin leihawm khatah amah tungin tua lai-ah giak hi. Topa in Elijah hopih a, “Elijah, hih lai-ah bang hih na hi hiam?” a ci hi.

1 SAMUEL MASA 13:7

a dangte in Jordan ngahmun kantanin Gad le Gilead gamah galkah uh hi. Saul ahihleh Gilgal-ah omlai a, amah tawh a om mi khempeuh zong lau-in ling uh hi.

Marka 14:66

A nuai-a inntualah Peter a om laitakin siampi lianpen pa’ nasem numeite khat hong pai a,

Luka 22:54

Tua ciangin Jesuh manin paikhiatpih uh a, siampi lianpen pa’ inn a tunpih uh hi. Peter in zong a kihalin nungzuih hi.