Marka 14:5 - Tedim Bible

⁵ Kizuak le ngun peek zathum val kikhawng ding a, a sum mizawngte tungah kipia thei ding hi,” ci-in nakpitakin tua numei a mawhsak uh hi.

Tedim Bible Revision 2017

⁵ Kizuak le ngun peek za thum val kikhawng dinga, a sum mizawngte tungah kipia thei ding hi,” ci-in nakpi takin tua numei a mawhsak uh hi.

Marka 14:5 Referans Kwoze

Johan 13:29

Amah sumkem ahih manin hih pawi a zat ding a kisam na pawlkhat a lei dingin a sawl hi ding hi; tua ahih kei leh zong mizawngte pawlkhat tungah sum a pia dingin a sawl hi ding hi, ci-in nungzui pawlkhat in a ngaihsun uh hi.

Juda 1:16

Hih mite a tawntungin phunin khatlekhat mawhna kizong uh a, amau pumpi deihna bangun gamta-in kiphasak uh a, phattuamna a ngah theih nadingun midangte a phat uh hi.

Filippi 2:14

Na khempeuh phun lo, thu nial loin sem un.

Efesa 4:28

Guta ngeite in gu nawn loin, ama nuntak nading thuman takin thalawhin, mizawngte zong a huhtheih lai nadingin thatang tawh nasep ding kipan ta uh hen.

1 KORIN MASA 10:10

Amaute pawlkhat bangin Pasian i phunsan kei ding hi. Vantung mite in amaute na sulum hi.

Johan 6:43

Tua ciangin Jesuh in, “Note khatlekhat kiphunsan kei un.

Johan 6:7

Filip in, “Ngun peek zanih tawh an i lei hangin tawmno bekin cing pan ding uh hi,” ci-in a dawng hi.

Luka 15:2

Farisi mite le Thukham hilh siate phun uh a, “Hih mipa, mawhneite tawh kikhawlin an nangawn nekhawm hi,” a ci uh hi.

Mattiu 20:11

A sum a san uh ciangin lo nei pa tungah phun uh a,

Mattiu 18:28

“Ahi zongin tua nasempa a paikhiat ciangin ama sum ngun peek zakhat khawng a ba a naseppih dang khat tawh a kituak hi. Tua pa a gawlin manin, ‘Na leiba hong loh in,’ a ci hi.

Late 106:25

Amaute a puanbuk sung uhah phun niloh uh a, Topa’ thu ngai lo uh hi.

Thu-hilhkikna 1:27

Na puanbukte uh sungah na phun uh a, ‘Topa in eite hong mudah ahih manin eite a hong susia ding Amor mite’ khut sungah hong pia dingin Egypt gam panin eite hong paikhiatpih hi.

Marka 14:4

Tua lai-a om mi pawlkhat a heh suak a, “Bang hangin hih paknamtui mawk beisak ahi hiam?

Marka 14:6

Ahi zongin Jesuh in, “Bangmah cih se kei un! Bang hangin nawngkaisak na hi uh hiam? Amah pen a kilawm a hoihin kei tungah hong gamta hi.

Mattiu 26:9

Hih sathau kizuak leh sum tampi tak kikhawng ding a, mizawngte huhna-in kipia thei ding hi,” a ci uh hi.