Marka 14:48 - Tedim Bible

⁴⁸ Tua ciangin Jesuh in amaute kiangah, “Guta buluhte a man ding bang keekin, kei a man dingin namsau le molhtum tawh hong kuan na hi uh hiam?

Tedim Bible Revision 2017

⁴⁸ Tua ciangin Jesu in amaute kiangah, “Guta buluhte a man ding bang keekin, kei a man dingin namsau le molhtum tawh hong kuan na hi uh hiam?

Marka 14:48 Referans Kwoze

1 SAMUEL MASA 26:18

Tua ciangin amah in, “Bang hangin ka topa in a nasempa delh ahi hiam? Bang gamta khial ka hi hiam? Ka tungah bang mawhna om ahi hiam?

Mattiu 26:55

Tua ciangin Jesuh in mihonte kiangah, “Gal le sa bangin hong ngaihsun a, keimah a man dingin namsau le molhtum tawh hong kuan na hi uh hiam? Nisimin biakinn sungah thu ka hilh niloh a, ahi zongin kei nong man kei uh hi.

Mattiu 26:47

Tua bangin Jesuh in thu a gen laitakin sawm le nihte sung panin Judas hong tung a, siampi liante le upate in a hong sawl, namsau le molhtum a tawi mihonpi tawh hong tonkhawm hi.

Marka 14:47

Tua laitakin a gei-a dingte khat in a namsau dokin siampi lianpen pa’ nasempa a sat leh a bil a satkhiatsak hi.

Marka 14:49

Nisim nisimin biakinn sungah thuhilhin note tawh ka omkhawm a, ahi zongin nong man kei uh hi. Ahi zongin hih thu pen Lai Siangtho sunga a kigelh thu a tun nading ahi hi,” a ci hi.