Marka 14:45 - Tedim Bible

⁴⁵ Tua ahih manin hong tun phetin Jesuh kiangah paipah a, “Sia aw,” ci-in limnap mahmah hi.

Tedim Bible Revision 2017

⁴⁵ Tua ahih manin hong tun phetin Jesu kiangah pai pah a, “Sia aw,” ci-in limnap mahmah hi.

Marka 14:45 Referans Kwoze

Johan 20:16

Tua ciangin Jesuh in, “Mary!” a cih leh Mary zong ama lamah kihei a, “Rabboni,” ci-in a dawng hi. (Rabboni pen Hebru pau hi a, “Siapa,” a cihna ahi hi.)

Luka 6:46

“Bang hangin, ‘Topa aw, Topa aw,’ hong ci napi-in ka hong gente zui lo na hi uh hiam?

Marka 12:14

Amaute in, “Sia aw, nangmah in thutang genin, midangte’ pau ding phamawh na sak lohna, uliante’ maitang zahtak tuan loin, Pasian in mite a gamtat dingin a deihna thute tangtakin na hilhna ka thei uh hi. Tua ahih manin Rom Kumpipa Sisar tungah siah i piak ding kilawm ahi hiam, kilawm lo ahi hiam?

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Kei pen na pa uh hinapi, bang hangin hong zahtak lo a, na topa uh hinapi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Isaiah 1:3

Bawng in amah a nei pa thei a, la in zong a topa’ an piakna mun thei buang hi. Ahih hangin Israel in bangmah thei lo a, keima mite in thei thei lo uh hi,” a ci hi.

Marka 14:44

A lehhek pa in mihonte tungah, “Ka nap pa pen Jesuh hi ding hi. Tua pa man unla limtakin cingin paikhiatpih un,” ci-in a genkhol hi.

Marka 14:46

Tua ahih ciangin amaute in Jesuh manin limtakin a lencip uh hi.

Johan 4:31

Mite a hong tunma hunsung tengin a nungzuite in, “Sia aw, an ne in,” ci-in a kun uh hi.