Marka 14:41 - Tedim Bible

⁴¹ A thumveina a hong ciahkik ciangin amaute kiangah, “Ihmu-in na tawlnga hithiat lailai na hi uh hiam? Phazo hi. A hun hong tungta hi. Mihing Tapa mawhnei mite’ khut sungah hong kipia khinta hi.

Tedim Bible Revision 2017

⁴¹ A thum veina a hong ciahkik ciangin amaute kiangah, “Ihmu-in na tawlnga hithiat lailai na hi uh hiam? Pha zo hi. A hun hong tung ta hi. Mihing Tapa mawhnei miteʼ khut sungah hong kipia khinta hi.

Marka 14:41 Referans Kwoze

Marka 14:35

Amah tawmkhat pailai-in leilakah boksuk a, ahi thei ding ahihleh hih thuakna hun tawh a kipelh nadingin thu a ngen hi.

Marka 9:31

Bang hang hiam cih leh a nungzuite kiangah thu hilh a, “Mihing Tapa, mihingte’ khut sungah kipia-in amaute in that ding uh a, ahi zongin ni thum khit ciangin hingkik ding hi,” a ci hi.

Johan 17:1

Jesuh in hih thute a genkhit ciangin vantung lam ento-in, “Pa aw, a hun hong tungta ahih manin na Tapa in na pianzia hong kilatsak theih nadingin tu-in na Tapa’ pianzia hong kilangsak ta in.

Sawltak 7:52

I pu i pate in kamsang a bawlsiat loh khat beek om lo hi. Pasian’ deihna bangin a gamta a Nasempa a hong pai nading thu a genkhol Pasian’ kamtaite na that uh a, tu-in note in tua nasempa lehhekin na that leuleu uh hi.

Johan 12:27

Tua khit ciangin Jesuh in, “Tu-in ka lunggim mahmah hi. Bangcih ding ka hi hiam? ‘Pa aw, hih hun tawh hong kipelhsak in,’ ci ding ka hi hiam? Tua bang cih ding lah hih bang a thuak ding mahin a hong pai ka hi hi.

Johan 12:23

Tua ciangin Jesuh in, “Mihing Tapa in Pasian’ pianzia a ngah ding hun hong tungta hi.

Johan 8:20

Jesuh in hih thute pen sumpi khiatna kuang a kikoihna biakinn dei sungah a gen hi a, ahi zongin ama hun tung nai lo ahih manin kuamah in amah man lo uh hi.

Johan 7:30

Tua ciangin amaute in Jesuh mat ding hanciam uh hi; ahi zongin ama hun tung nai lo ahih manin kuamah in va su lo hi.

Marka 14:18

An a nek laitakun Jesuh in, “Tu laitakin kei tawh an a nekhawm mi khat in kei hong lehhek ding hi,” a ci hi.

Marka 14:10

Tua laitakin sawm le nihte sungpan Iskariot’ tapa Judas in amaute tungah Jesuh a piaktheih nadingin siampi liante kiangah a va pai hi.

Marka 7:9

Tua ciangin Jesuh in a thugen zomlai a, “Na khanglui ngeina uh na zuihtheih nadingun Pasian’ thukhamte a nawlkhinzia na siam mahmah uh hi.

Mattiu 26:2

“Na theihsa uh mah bangin tuzawh ni nih khit ciangin Paisan Pawi hun hong tungta ding hi. Tua ciangin singlamteh tungah thah dingin Mihing Tapa kipia ding hi,” a ci hi.

Ezekiel 20:39

Topa Pasian in, “Israel mite khempeuh aw, na milimte uh biabia un! Ahih hangin tu a kipanin keima thu nong man’ uh kul ding a, na milimte uh letsong piakna tawh ka min siangtho na daisak nawn kei ding uh hi,” a hong ci hi.

Thuhilh-sia 11:9

Khangnote aw, na khangnona uh nuamsa unla, na khangno lai-un lungdam un. Na hihnop peuhpeuh uh hih unla, na ut bangbangun gamta un. Ahi zongin na gamtatna uh tawh kizui-in Pasian in thu hong khen ding phawk gige un.

2 KUMPI NIHNATE 3:13

Tua ciangin Elisha in Israel kumpipa kiangah, “Nang tawh bang kisai ka hi hiam? Na nu’ kamsangte le na pa’ kamsangte’ kiangah pai in,” a ci hi. Ahih hangin Israel kumpipa in ama kiangah, “Hilo hi; Moab’ khut sungah hong piak dingin ko kumpi thumte a hong sampa pen Topa ahi hi,” a ci hi.

1 KUMPI MASATE 22:15

Kumpipa kiangah amah a tun ciangin kumpipa in ama kiangah, “Mikaiah aw, Ramothgilead-ah galsim dingin i kuan ding hiam, ahih kei le i thuak ding hiam?” a ci hi. Tua ciangin amah in dawngin, “Kuanto inla va gualzo ve. Topa in kumpipa’ khut sungah hong pia ding hi ven’,” a ci hi.

1 KUMPI MASATE 18:27

Sun ciangin Elijah in amaute zahpihin, “Amah pen pasian ahih ciangin a gingin kiko un. Amah in thu a lungngaih laitak, ahih kei leh mun dangah paikhia, ahih kei leh khualzin, ahih kei leh amah ihmu-in phot ding kisam hikhathei ding hi,” a ci hi.

Thukhente 10:14

Pai unla note’ teel pasian-te tungah ko un. Na lungkham hunun amaute kihonkhia sak un,” a ci hi.

Marka 14:40

Hong paikik ciangin a nungzuite na ihmu leuleu uh hi. A ihmut uh suak mahmah hi. Jesuh kiangah a gen ding uh bangmah thei lo uh hi.

Marka 14:42

Tho un; pai ta ni. Kei hong lehhek pa hih lai-ah hong tungta hi,” a ci hi.