Marka 14:39 - Tedim Bible

³⁹ Tua ciangin paikhia leuleu-in thu a nget ngeiteng mah va ngen leuleu hi.

Tedim Bible Revision 2017

³⁹ Tua ciangin paikhia leuleu-in thu a nget ngei teng mah va ngen leuleu hi.

Marka 14:39 Referans Kwoze

2 KORIN NIHNA 12:8

Tua natna tawh ka kipelh theih nadingin Topa kiangah thumvei tak thu ka ngen hi.

Mattiu 6:7

“Thu na nget uh ciangin i thunget sau leh Pasian in hong pia deuh ding hi, ci-in a ngaihsun Gentail mite bangin khiatna a nei tum lo kam tampi na luilui kei un.

Luka 18:1

Tua ciangin amaute in thu ngen tawntungin a lungkiat ngei loh nading uh a hilh nopna-in Jesuh in a nungzuite kiangah thugentehna khat gen a,

Marka 14:38

Tua ciangin amaute kiangah, “Ze-etna-ah na pukkhak loh nadingun pilvangin thu ngen un. Lungsim in ze-etna nangnuam napi, pumpi in nang zo lo hi,” a ci hi.

Marka 14:40

Hong paikik ciangin a nungzuite na ihmu leuleu uh hi. A ihmut uh suak mahmah hi. Jesuh kiangah a gen ding uh bangmah thei lo uh hi.

Hebru 5:7

Leitungah mihingin Jesuh a omlai-in sihna panin amah a honkhia thei ding Pasian tungah thu ngenin khitui naptui tawh thumin na kiko hi.