Marka 14:24 - Tedim Bible

²⁴ Tua ciangin amaute kiangah, “Hih pen mi tampite a dingin a luang, thuciamna thak a kipsak keima sisan ahi hi.

Tedim Bible Revision 2017

²⁴ Tua ciangin amaute kiangah, “Hih pen mi tampite adingin a luang, thuciamna thak a kipsak keima sisan ahi hi.

Marka 14:24 Referans Kwoze

Paikhiatna 24:8

Tua ciangin Moses in sisan la-in mite’ tungah theh a, “Hih thute khempeuh tawh kizui-in Topa in note tawh a bawlsa thuciamna sisan en un,” a ci hi.

Zekhariah 9:11

Sisan tawh a kikipsak, note tawh ka thuciamna hangin na salsuahna uh keugaw gam panin note ka hong suaktasak ding hi.

1 KORIN MASA 11:25

Tua mah bangin nitak an a nekkhit uh ciangin hai la a, “Hih hai sunga om leenggahzu pen keima sisan tawh a kikipsak Pasian’ thuciamna thak ahi hi. Hih bangin na dawn simun, kei na hong phawk nadingun na dawn un,” ci hi.

1 KORIN MASA 10:16

Nekkhawm bawlna-ah leenggahzu hangin Pasian tungah lungdamna ko-in i dawn ciangin Khrih sisan hangin thuphate eite in zong a ngahkhawm cihna hi lo ahi hiam? I balnen anlum i nek ciangin zong Khrih pumpi hangin thuphate mah a ngahkhawm cihna hi lo ahi hiam?

Johan 6:53

Tua ahih manin Jesuh in amaute kiangah, “A mantakin kong genin-ah, Mihing Tapa’ sa na nek kei uh a, a sisan na dawn kei uhleh note sungah nuntakna om lo ding hi.

Marka 10:45

Bang hang hiam cih leh Mihing Tapa zong, midangte ama na a semsak dingin a hong pai hi lo hi. Midangte’ na a sem ding le mi tampi a tatkhiat nading ama nuntakna a pia dingin a hong pai ahi zaw hi,” a ci hi.

Jeremiah 31:31

“En un, Topa in kong cihin-ah, Israel minamte le Judah minamte tawh thuciamna thak khat ka bawl ni hun hong tung ding hi.

Marka 14:23

Tua ciangin hai la a, lungdamna a kohkhit ciangin a nungzuite tungah pia a, tua hai panin a dawnkim uh hi.

Marka 14:25

Pasian’ Ukna sungah leenggahzu thak ka dawnkik ni matengin leenggahzu a dawn nawn lo ding ka hihna thu limtakin thei un,” a ci hi.

Luka 22:20

Tua mah bangin an a nekkhit uh ciangin amaute tungah hai pia a, “Hih leenggahzu pen note a dingin a luangkhia, Pasian’ thuciamna thak a kipsak ka sisan ahi hi.