Marka 14:20 - Tedim Bible

²⁰ Jesuh in amaute kiangah, “No sawm le nihte sung, kei tawh an kuang a sawkkhawmte mah sungpan ahi hi.

Tedim Bible Revision 2017

²⁰ Jesu in amaute kiangah, “No sawm le nihte sung, kei tawh ankuang a sawk khawmte mah sung pan ahi hi.

Marka 14:20 Referans Kwoze

Johan 13:26

Jesuh in, “Anlum, meh sungah diahin ka piak ding pa ahi hi,” a cih khit ciangin a anlum diahin Simon Iskariot’ tapa Judas a pia hi.

Johan 6:71

Sawm le nihte sung panin amah a lehpei ding ahih manin Simon Iskariot’ tapa Judas thu a genna ahi hi.

Luka 22:47

Tua bangin thu a gen laitakin mihonpi khat hong pai a, sawm le nihte sung panin Judas a kici mipa hong makai-in Jesuh a nam dingin hong naih hi.

Marka 14:43

Tua bangin Jesuh in thu a gen laitakin sawm le nihte sung panin Judas hong tung a, siampi liante, Thukham hilh siate, le upate in a sawl mihonte in namsau le molhtum tawi-in hong zui uh hi.

Mattiu 26:47

Tua bangin Jesuh in thu a gen laitakin sawm le nihte sung panin Judas hong tung a, siampi liante le upate in a hong sawl, namsau le molhtum a tawi mihonpi tawh hong tonkhawm hi.

Mattiu 26:23

Jesuh in, “Ankuang ka sawk khawmpih pa in kei hong lehhek ding hi.

Paunak 19:24

A thadah mi in a khut tawh ankuang sawksukin a kam sungah a tuttohkik ding nangawn ut lo liang hi.

Marka 14:19

A nungzuite in lamdangsa uh a, a banbanin, “Kei nong cihna hi kei buangin teh,” a ci ciat uh hi.

Marka 14:21

A kigelhsa mah bangin Mihing Tapa ahihleh si ding a, ahi zongin a lehhek pa’ thuakna nasia mahmah ding hi. Tua mipa a piang ngei het lo hileh ama a dingin hoihzaw tham ding hi,” a ci hi.