Marka 14:2 - Tedim Bible

² Ahi zongin, “Mihonpite hong buai kha ding ahih manin hih pawi hun sungin hih kei ni,” a ci uh hi.

Tedim Bible Revision 2017

² Ahi zongin, “Mihonpite hong buai kha ding ahih manin hih pawi hun sungin hih kei ni,” a ci uh hi.

Marka 14:2 Referans Kwoze

Johan 12:19

Tua ciangin Farisi mite khatlekhat kiho uh a, “Bangmah i cihzo het kei hi. En un, mi khempeuh in amah a zui khinta uh ahi hi,” a kici uh hi.

Johan 7:40

Hih thu a zak uh ciangin mihon pawlkhat in, “Hih pa pen Kamsangpa taktak hi,” ci uh a,

Luka 20:6

“Mihing tung panin a ngah hi,” ci leuleu lehang, Johan pen kamsang taktak hi, ci-in mi khempeuh in um uh ahih manin suang tawh hong denglum ding uh hi, a kici uh hi.

Marka 11:32

“Mihingte’ tung pan hi,” cih ding lah, mi khempeuh in Johan pen kamsang taktakin ngaihsun uh ahih manin mite i kihta zel hi, a ci uh hi.

Marka 11:18

Siampi liante le Thukham hilh siate in hih thu a zak uh ciangin Jesuh a thahtheih nading uh lampi a zong uh hi. Ahi zongin mihonpi in ama thuhilhna lamdangsa uh ahih manin amaute in Jesuh a kihta uh hi.

Mattiu 26:5

Amaute in, “Buaina lianpi hong omkha thei ding ahih manin hih pawi hun sungin hih kei ni,” a ci uh hi.

Kah la 3:27

Na khangno lai-in thuakzawh hat ding kisin leteh hoihpen hi.

Paunak 21:30

Mihingte’ pilna, a thutheihna le a thugente khempeuh, Topa’ deihna tawh a kituah kei leh a kimanna om lo hi.

Paunak 19:21

Mihing’ ngaihsutna-ah thu tampi om a, ahi zongin Topa’ deihna tawh a kituakte bek kimang ding hi.

Mattiu 26:2

“Na theihsa uh mah bangin tuzawh ni nih khit ciangin Paisan Pawi hun hong tungta ding hi. Tua ciangin singlamteh tungah thah dingin Mihing Tapa kipia ding hi,” a ci hi.

Marka 14:1

Paisan Pawi le Silngo Sawh loh Anlum Pawi a tun ma ni nih ni-in siampi liante le Thukham hilh siate in Jesuh simmatin a thahtheih nading uh lampi a zong uh hi.

Marka 14:3

Bethany khua-ah, miphak ahi ngei Simon’ inn-ah Jesuh in an a nek laitakin, numei khat in a manpha mahmah nard paknamtui citak suangngo thawl dimin a om khat hong tawi a, a suangngo thawl sukhamin Jesuh’ lu tungah a paknamtui a sungsuk hi.

Luka 22:1

Tu-in Paisan Pawi a kici Silngo Sawh loh Anlum Pawi hun hong naita hi.