Marka 14:18 - Tedim Bible

¹⁸ An a nek laitakun Jesuh in, “Tu laitakin kei tawh an a nekhawm mi khat in kei hong lehhek ding hi,” a ci hi.

Tedim Bible Revision 2017

¹⁸ An a nek laitakun Jesu in, “Tu laitakin kei tawh an a nekhawm mi khat in kei hong lehhek ding hi,” a ci hi.

Marka 14:18 Referans Kwoze

Late 41:9

Ka muan, ka lawm it pa, keima an a ne pa nangawn in a khetul tawh kei hong peek vial hi.

Johan 6:70

Tua ciangin Jesuh in, “Note na sawm le nih mahun ka hong teel hinapi-in khat pen dawi na suakmawk uh hi,” a ci hi.

Johan 6:47

A mantakin kong genin-ah, kei hong umte bek in nuntak tawntungna ngah hi.

Johan 13:38

Jesuh in, “Kei hong sihpih ngam ding na hi hiam? A mantakin kong genin-ah, kei thumvei na hong nialkhit matengin ak khuang lo ding hi,” ci-in a dawng hi.

Johan 13:21

Jesuh in hih thuteng a genkhit ciangin lungkham mahmah ahih manin, “A mantakin ci lehang, note khat in kei nong lehhek ding uh hi,” ci-in a kilangin a genkhia hi.

Johan 6:32

Jesuh in, “A mantakin ci lehang: Moses in a piak an pen vantung an hi lo hi. Vantung an taktak pen ka Pa in hong pia hi.

Johan 6:26

Jesuh in, “A mantakin ci lehang: Ka nalamdang bawlte na muh uh ciangin kei hong umin a hong zong na hi kei uh a, an na khamtakun na nek uh manin a hong zong na hi bek uh hi.

Johan 5:19

Tua ahih manin Jesuh in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muhteng bek a sem ahi hi. Tua hi a, a Pa in a septeng mah a Tapa in zong a sem ahi hi.

Johan 3:11

A mantakin kong genin-ah, kote in ka theihsa uh thu bek genin, ka muhsa uh thu bek teci a pang ka hi uh a, ahi zongin note kuamah in ka thugente uh nong um nuam kei uh hi.

Johan 3:5

Jesuh in, “A mantakin kong genin-ah, mi khatpeuh tui le Kha Siangtho tawh a suahkik kei leh Pasian’ Ukna sungah lut thei lo ding hi.

Johan 3:3

Jesuh in, “A mantakin kong genin-ah, mi khatpeuh a suahkik kei leh Pasian’ Ukna sungah lut thei lo ding hi,” a ci hi.

Johan 1:51

Tua ciangin Jesuh in, “Ke’n a mantak kong genin-ah, vantung a kihong na mu ding uh a, Mihing Tapa le vantung kikalah Pasian’ vantung mite a kumsuk a kahto na mu ding uh hi,” a ci hi.

Luka 11:51

Abel a kithah a kipan biakna tau le siangtho mun kikalah a kithat Zekhariah a sihna ciang dong, tua mi thahna hangin gimna a thuak ding uh hi. Ke’n kong cihin-ah, hih thute khempeuh hangin tuhuna mite gim hong kipia taktak ding hi.

Luka 4:24

Tua ciangin Jesuh in a thugen zomlai a, “Ke’n kong cihin-ah, kamsang a kuamah peuh ama khua-ah kipakta ngei lo hi.

Marka 14:25

Pasian’ Ukna sungah leenggahzu thak ka dawnkik ni matengin leenggahzu a dawn nawn lo ding ka hihna thu limtakin thei un,” a ci hi.

Marka 14:9

Hih thu limtakin phawk un! Lungdamna thu a kihilhna leitung mun khempeuhah hihnu’ thu kiphawkin kei tungah hong sepnate kigengen ding hi,” a ci hi.

Marka 10:29

Jesuh in amaute kiangah, “Hi mah hi; ke’n kong cihin-ah, keima hang le lungdamna thu hangin a inn, a sanggam pasalte, a sanggam numeite, a nu, a pa, a tate, le a leitang, khat peuhmah a nusiate in

Marka 10:15

Hih naupangno khat’ man’ bangin Pasian’ Ukna a mang lo mi peuhmah Pasian’ Ukna sungah om lo ding ahihna thei un,” a ci hi.

Marka 9:41

Khrih pawl na hihna hangun tui hai khat hong suah mi peuhmah in thaman ngah hamtang ding ahihna phawk un,” ci-in Jesuh in a gen hi.

Marka 9:1

Tua ciangin Jesuh in a thugen zomlai a, “Hih lai-a a om mi pawlkhatte a sih ma-in vanglianpi tawh Pasian’ Ukna hong tung taktak ding ahihna thu phawk un,” a ci hi.

Marka 8:12

Tua ciangin Jesuh nakpitakin a sung tawngah khuisa-in, “Bang hangin hih mite in lim hong ngen ahi uh hiam? Hih mite tungah lim kilak peuhmah lo ding hi,” a ci hi.

Marka 6:11

Na paina uh khua khatpeuh in note hong sang loin, na thuhilhna uh hong ngaihnop kei uhleh, tua khua nusia-in, na khe uha leivui bangte sinsan un. Tua pen amaute a dingin hilhkholhna ahi hi,” ci-in a vaikhak hi.

Marka 3:28

“Tua ahih ciangin hih thu phawk un! Mihingte’ mawhna le a kampau siatnate uh kimaisak thei ding hi.

Mattiu 26:21

Amaute an ne-in a om laitakun Jesuh in, “Note khat in kei na hong lehhek ding uh hi,” a cih ciangin

Mattiu 6:5

“Note in thu na nget uh ciangin mite’ muh theih dingin a kineihkhem mite in kikhopna innsung le kongzing lamka lai-ah a ngetnop se uh bangin na gamta kei un. Tua bangin a gamtate in thaman a ngah khinta ahihna uh limtakin phawk un.

Mattiu 6:2

“Tua ahih manin mi cimawhte tungah huhna na piak uh ciangin, mite in a phat ding uh a deihna tawh a kineihkhem mite in kikhopna innsung le kongzing lakah a kilang theithei-in a hih uh bangin na hih kei un. Tua bangin a hih mite in thaman a ngah khinta ahihna thu limtakin na phawk un.

Mattiu 5:18

Hoihtakin na phawk ding uh thu panin: Van le lei a bei mateng, hih thukhamte a neupen khat nangawn’ deihna tangtung lopi-in mawkmai lo ding hi.

Johan 21:18

A mantakin ci lehang, na khangno lai-in na kawnggak gakin na utna peuhah na pai zialzial thei hi. Ahi zongin na khangham ciangin na khutte na zan ding a, midangte in na khutte hong henin na ut loh napi ah hong paipih ding uh hi,” a ci hi.

Mattiu 6:16

“An na tan’ uh ciangin a kineihkhem mite bangin maikhingin om kei un. Amaute in an a tanlam uh mite in a theih ding uh a ut manun gilkial mai pua-in a om uh hi. Amaute in a antan’ thaman uh a ngah khinta ahih lamtak limtakin thei un.

Marka 14:17

A nitak ciangin a nungzui sawm le nihte tawh tua munah Jesuh a om hi.

Marka 14:19

A nungzuite in lamdangsa uh a, a banbanin, “Kei nong cihna hi kei buangin teh,” a ci ciat uh hi.

Luka 22:21

Ahi zongin kei hong lehhek ding pa’ khut in sabuai-ah kei tawh an a sawkkhawmna thu thei un.

Johan 13:18

“Hih bangin ka hong genna in note khempeuh hong huam kim lo hi. Ka teelsa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Johan 13:22

Kua a cihnopna hi ding ahi hiam, ci-in a nungzuite khatlekhat a ki-en uh hi.