Marka 14:12 - Tedim Bible

¹² Paisan Pawi an dingin tuuno a kigawh ni, Silngo Sawh loh Anlum Pawi ni masa ni-in a nungzuite in Jesuh kiangah, “Koi lai-ah pai-in Paisan Pawi an ding hong bawlsak ding ka hi uh hiam?” ci-in a dong uh hi.

Tedim Bible Revision 2017

¹² Paisan Pawi an dingin tuuno a kigawh ni, Silngo Sawh loh Anlum Pawi ni masa ni-in a nungzuite in Jesu kiangah, “Koi lai ah pai-in Paisan Pawi an ding hong bawlsak ding ka hi uh hiam?” ci-in a dong uh hi.

Marka 14:12 Referans Kwoze

Paikhiatna 12:18

Kha masa, tua kha sawm le li nitakin note in silngo sawh loh anlum na ne ding uh a, tua kha ni sawmnih le khat nitak dong na ne ding uh hi.

Paikhiatna 12:6

Tua gannote pen Israel mihonte khempeuh in a gawh ding hun nitak khuamui, tua kha ni sawm le li dong na kem ding uh hi.

Paikhiatna 12:8

Amaute in tua zanin a sa hangkeu-in ne ding uh a, silngo sawh loh anlum le a kha mehteh tawh amaute in ne ding uh hi.

Galati 4:4

Ahi zongin a hun a cin ciangin eite khempeuh Pasian’ tate i suahtheih nadingin Thukham nuai-ah a om mite a hong tankhia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Paikhiatna 13:3

Moses in mite tungah, “Salsuahna Egypt gam panin na paikhiat uh hih ni phawk un. Bang hang hiam cih leh Topa in vangliatna tawh hih mun panin note hong paikhiatpih hi. Silngo sawh anlum kine lo ding hi.

Mattiu 3:15

Ahi zongin Jesuh in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

Thu-hilhkikna 16:5

“Topa na Pasian un note hong piak khua khempeuhah Paisan Pawi biakpiakna na pia thei kei ding uh hi.

Marka 14:1

Paisan Pawi le Silngo Sawh loh Anlum Pawi a tun ma ni nih ni-in siampi liante le Thukham hilh siate in Jesuh simmatin a thahtheih nading uh lampi a zong uh hi.

Marka 14:11

Siampi liante in a thu a zak uh ciangin lungdam mahmah uh a, sum tawh kong guai ding uh hi, ci-in thu a ciam uh hi. Tua ahih manin Judas in Jesuh a lehhek theih nading a hunhoih a zong hi.

Marka 14:13

Tua ciangin Jesuh in a nungzuite nih sawlin amaute kiangah, “Jerusalem khua sungah va pai le-uhcin, tuibeel a pua mi khat na mu ding uh hi. Amah zui unla,