Marka 13:8 - Tedim Bible

⁸ Minam khat le minam khat, kumpi khat le kumpi khat kido ding uh hi. Mun tuamtuamah zin hong ling ding a, kial zong hong tung ding hi. Hihte khempeuh pen gimna kipatna hi pan hi.

Tedim Bible Revision 2017

⁸ Minam khat le minam khat, kumpi khat le kumpi khat kido ding uh hi. Mun tuamtuam ah zin hong liing dinga, kial zong hong tung ding hi. Hihte khempeuh pen gimna kipatna hi pan hi.

Marka 13:8 Referans Kwoze

Mattiu 24:8

Hihte khempeuh pen gimna kipat nading hi pan hi.

Isaiah 37:3

Amaute in Isaiah kiangah, “Hezekiah in, ‘Tuni pen lungkham ni, tai ngah ni, mindai ni ahi hi. Naungek a suah hun tung napi-in a hingkhia zo lo nupi tawh i kibang hi.

Late 48:6

Numei nausuak na a sa bangin amaute linggawp uh hi.

Mangmuhna 6:4

Sakol a ausan khat hong pai a, mite khatlekhat a kithah theih nadingun a sakol tung tuang pa in leitungah galkidona a piansak theih nading vangliatna kipia a, ama tungah namsau lian mahmah khat zong kipia lai hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhatthu-in amaute tungah siatna hong tungvat ding hi. Nausuah natna bangin gimna thuak ding uh a, kuamah suakta lo ding uh hi.

Sawltak 11:28

Amaute sung panin Agabas a kici kamsangpa hong ding a, leitung khempeuhah kialpi hong tung ding hi, ci-in Kha Siangtho sawlna tawh a genkhol hi. (Tua kialpi pen Klaudias in Gam uk Kumpi a sep laitakin a tung hi.)

Zekhariah 14:13

Tua ni ciangin Topa in amaute amkhamsak gawp ding a, mite in a gei-a a matkhak mite manin khatlekhat kilaithang gawp ding uh hi.

Haggai 2:22

Kumpipa’ gam khempeuh lumletin a vangliatna uh a beisak ding ka hi hi. Leengte le leeng hawlte ka lawnthal ding a, sakol leengte le a tung tuangte puk ding uh a, amaute khatlekhat kithatlum ding uh hi.

Jeremiah 50:43

Babylon kumpipa in tua thu za khinzo a, bangmah a cih thei kei hi. Lungkhamin lumcip a, nupi nausuak ding bangin na a sa hi.

Jeremiah 49:24

Damaskas khuamite thazaw mahmah uh a, a taimang dingin a kithawi uh hi. Lungkhamna, dahna, le launa in amaute lencip a, nupi nausuak ding bangin a om uh hi.

Jeremiah 25:32

“Vanglian Topa in a cihin-ah: En un, gam khat pan gam khatah siatna a paipai hi. Leitung a gamla pen mun panin huihpi hong nung hi.

Jeremiah 22:23

Lebanon gam panin a kila taamtak inn sungah nuamtakin na teng uh hi. Ahih hangin gimna hong tun ciangin bangzah takin na tau ding uh hiam? Numei nausuak dingte tawh na kibang ding uh hi.

Jeremiah 13:21

Nangma lawm dingin na bawl mite teekteek in nang hong uk ni ciangin bang na ci ding hiam? Numei nausuakte in na a sak velval uh bangin nang zong na na sa ding hi.

Jeremiah 6:24

Tua thu i za a, bangmah i cih thei kei hi. Lungkhamna in hong lencip a, nupi nausuak ding bangin na i sa hi.

Isaiah 19:2

Egypt mite amau le amau ka kitawngsak ding hi. Mi kim in ama vengte ciat do ding a, khua khatlekhat kido-in, mi khatlekhat kumpi za kituh ding hi.

Jeremiah 4:31

Nau a suak ding numei a kiko bang khat ka za a, tacil a suak numei’ tauna tawh kibang hi. Zion’ tanu husam liangin a kikona aw na hi a, a khut tegel zakin, “Gimna ka thuak ding hi. Kei hong that ding uh hi,” a ci hi.

2 KHANG TANGTHU NIHNATE 15:6

Pasian in lungkhamna nam khempeuh tawh buaisak ahih manin minam khat le minam khat, khuapi khat le khuapi khat kido-in amaute kitamkham uh hi.

Isaiah 29:6

Vanglian Topa in vanging, zinling, a ging lianpi, pingpei le huihpi le, a kangtum thei meikuang tawh nang hong hon ding hi.

Marka 13:7

A gamla a galkidona thute le a nai-a galkidona huging na zak uh ciangin patau kei un. Tuate a piang ding mah hi a, hun beina ding hi nai lo hi.

Marka 13:9

“Limtakin kidawm un. Note hong kimanin thukhen zumah hong kipaipih ding a, kikhopna inn sungah zong hong kisat ding hi. Ukpite le kumpite mai-ah keima thu gen nading hun na ngah ding uh hi.