Marka 13:6 - Tedim Bible

⁶ Keima min pua-in mi tampi hong pai ding uh a, ‘Keimah, Khrih ka hi hi,’ ci-in mi tampi a khemzo ding uh hi.

Tedim Bible Revision 2017

⁶ Keima min pua-in mi tampi hong pai ding uh a, ‘Keimah, Khris ka hi hi,’ ci-in mi tampi a khem zo ding uh hi.

Marka 13:6 Referans Kwoze

Marka 13:22

Bang hang hiam cih leh Khrih kineihkhemte le kamsang kineihkhemte hong piang ding a, ahih zawhleh, a teelsa mite nangawn a khem nadingun lim le na lamdangte hong bawl ding uh hi.

1 JOHAN MASA 4:1

Ka it lawmte aw, kha ka nei a ci mi khempeuh’ thugen um kei unla, tua thute Pasian kiang pan mah ahi hiam, ci-in kantel un. Bang hang hiam cih leh leitungah kamsang a kineihkhem tampi hong om khinta hi.

Johan 8:24

Kei pen, ‘Kei ka hihlam na hong up kei uhleh na mawhna uh a sihpih ding na hih manun, na mawhna uh na sihpih ding uh hi,’ ci-in ka hong genna pen hih thu hang ahi hi,” a ci hi.

Johan 5:43

Ka Pa’ thu tawh kei hong pai napi-in na hong sangnuam kei uh hi. Tua hinapi-in midang khatpeuh ama thu tawh hong paitawm leh na sang ding uh hi.

Mattiu 24:11

Kamsang kineihkhem mi tampi hong piang ding a, mi tampi tak umkhialsak ding uh hi.

Mattiu 24:5

Bang hang hiam cih leh keimah a kineih mi tampi hong pai ding a, ‘Kei, Khrih ka hi hi,’ ci-in mi tampi tak umkhialsak ding uh hi.

Jeremiah 14:14

Tua ciangin Topa in, “Tua kamsangte in kei’ min suangin zuauthu hong gen uh hi. Amaute ka sawl kei a, thu ka pia kei a, zong ka hopih kei hi. Note kiangah hong gen uh thute a man lo maangmuhna, bangmahin a kimang lo aisanna, le amau’ ngaihsuttawm thute ahi hi.

Marka 13:5

Jesuh in amaute kiangah, “Kuamah in hong khem zawh loh nadingin na kidawm un.

Marka 13:7

A gamla a galkidona thute le a nai-a galkidona huging na zak uh ciangin patau kei un. Tuate a piang ding mah hi a, hun beina ding hi nai lo hi.

Johan 8:28

Tua ahih manin Jesuh in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin kei’ thu bek tawh bangmah hih loin, ka Pa’ hong hilhsa teng bek a gen ka hihna thu na thei ding uh hi.