Marka 13:34 - Tedim Bible

³⁴ Mi khat khualzin dingin paikhia a, a dinkhiat ding ciangin amau’ sep ding ciat a nasemte tungah tavuan pia a, kongcing pa in limtakin a cin ding a sawl mipa tawh kibang hi.

Tedim Bible Revision 2017

³⁴ Mi khat khualzin dingin paikhia a, a dinkhiat ding ciangin amauʼ sep ding ciat a nasemte tungah tavuan pia a, kongcing pa in limtakin a cin ding a sawl mipa tawh kibang hi.

Marka 13:34 Referans Kwoze

Johan 10:3

Tua ahih manin tuukong cing pa in a kong hon a, a tuute a min ciatin a sap ciangin a tuute in a thu mang a, amah in tuukulh panin a tuute a pusuah khiatpih hi.

Kolose 3:24

Topa in note tungah thaman a hong piak ding lamtak phawk gige un. Tua bangin na sepna uhah Khrih Topa’ na a semsem na hi uh hi.

1 KORIN MASA 15:58

Tua ahih ciangin ka hong it sanggamte aw, Topa’ hangin na nasepnate uh a mawkna hi ngei het lo hi, ci-in na theih uh mah bangin Topa a dingin a tawntungin na sem unla, ling hetloin lungsim kiptakin na om ta un.

Mattiu 16:19

Vantung ki-ukna sung lut nading tawhtangte, nangma tungah ka hong pia ding a, hih leitungah hoih lo na cihte, vantungah zong a hoih lo hi ding a, hih leitungah hoih hi na cihte, vantungah zong a hoih hi ding hi,” a ci hi.

Mangmuhna 3:7

“Filadelfia khua pawlpi vantungmi kiangah lai gelh inla, David’ tawhtang kemin, ama honsa kong kuamah in a khak zawh loh, ama khaksa kong kuamah in a hon zawh loh, a thuman a siangthopa’ thugen in:

Kolose 4:1

Tote aw, note in zong vantungah To khat na neihna uh phawk unla, na silate uh a kilawm a kituakin bawl un.

ROM (Romans) 13:6

Ukna thu a neite in amau’ sep dingteng a kimtakin a sep uh ciangin Pasian a dingin na a semte hi uh ahih manin tua thu hang mahin zong mangmu a pia na hi uh hi.