Marka 13:27 - Tedim Bible

²⁷ Tua ciangin leitung mun khempeuhah vantung mite sawl ding a, leimong khat pan mong khat kikalah a om a teel mite khempeuh a kaikhawmsak ding hi.

Tedim Bible Revision 2017

²⁷ Tua ciangin leitung mun khempeuh ah vantung mite sawl dinga, leimong khat pan mong khat kikalah a om a teel mite khempeuh a kaikhawmsak ding hi.

Marka 13:27 Referans Kwoze

Zekhariah 2:6

Topa in ama mite kiangah, “Mun khempeuhah note kong thehthang khin hi. Ahi zongin tu-in Babylon panin taikhia-in Jerusalem-ah ciahkik un.

Mattiu 24:31

Nakpi takin peengkul hong ging ding a, leitung mun khempeuhah a vantung mite hong paisakin, leimong khat pan mong khat dongin, a teelsa mite a kaikhawmsak ding hi.

Thu-hilhkikna 30:4

A kihawlkhia na mite uh van mong pekah a om leh zong, Topa na Pasian un tua lai panin note hong khawmin, tua lai panin amah in hong paipih ding hi.

2 THESALONIKA NIHNA 2:1

Sanggamte aw, i Topa Jesuh Khrih hong pai nading thu le amah a dawn dingin eite i kikhop nading thu tawh kisai-in note kiangah kong thum nopna uh panin:

Luka 16:22

Tua ciangin mizawng pa hong si a, vantung a Abraham kiangah a om dingin vantung mite in a paipih uh hi. Mihau pa zong hong si leuleu-in a kivui hi.

Marka 13:20

Topa in tua gimna hun a ni khiam lo hileh a suaktazo kuamah om lo ding hi. Ahi zongin ama teel mite a khualna-in a ni a khiam hi.

Mattiu 13:41

Mihing Tapa in a vantung mite hong sawl ding a, ama ukna sungah a om migilote le mi a mawh nadingin a bawl mi khempeuh kaikhawmin

1 PETER MASA 1:2

Pa Pasian in ama ngimnasa bangin note hong teel a, note in Jesuh Khrih’ thu mangin, ama sisan tawh sianthona a ngah dingin a Kha Siangtho tawh note mi siangtho-in a hong bawl hi. Note tungah hehpihna le nopsakna thupha hong tam tun semsem tahen.

2 TIMOTI NIHNA 2:10

Tua ahih manin Pasian’ teel mite in zong Khrih Jesuh hangin hotkhiatna le tawntung minthanna a ngahkhawm theih nadingun amaute’ hangin na khempeuh ka thuak hi.

Kolose 3:12

Pasian in note hong itin, hong teelin, ama mi siangthote hikhin na hih manun note pen hehpihna nei-in, migi-in, kiniamkhiatin, dikin, na lungduai ding uh ahi hi.

ROM (Romans) 8:33

Pasian in mawh lo hi, ci-in a gen khitsa ahih manin, Pasian’ teelsa mite tungah kua in mawhna guanthei nawn ding ahi hiam?

Johan 11:52

Jew mite a’ ding bek hi loin a kithehthang Pasian’ mi khempeuh pumkhat a suah nadingin a kikaihkhop nading thu zong a genkhol ahi hi.

Johan 10:16

Hih tuukulh sungah a om lo tuu dang ka nei lai hi. Tuate zong tuukulh sungah ka khum ding a, amaute in keima thu ngai-in, keima khut sungah ka tuu omsate tawh honkhat suakkhawm ding uh hi.

Luka 18:7

A sun a zanin ama tungah a thumthum ama mite’ thu a manin Pasian in khensak lo ding ahi hiam? Amaute a huh ding kizekaisak ding ahi hiam?

Marka 13:22

Bang hang hiam cih leh Khrih kineihkhemte le kamsang kineihkhemte hong piang ding a, ahih zawhleh, a teelsa mite nangawn a khem nadingun lim le na lamdangte hong bawl ding uh hi.

Mattiu 24:24

Bang hang hiam cih leh Khrih a kineihkhemte le kamsang a kineihkhemte hong piang ding a, ahih zawh leh a teelsa mite nangawn a khem nadingun lim le nalamdang lianpipi hong bawl ding uh hi.

Mattiu 24:22

Pasian in tua gimna hun a ni khiam lo hileh a suaktazo kuamah om lo ding hi. Ahi zongin ama teel mite a khualna-in a ni a khiam ding hi.

Mattiu 13:49

Leitung hun bei ciangin zong tua bangmah hi ding hi. Vantung mite hong pai-in mihoihte lak panin migilote lakhia-in,

Mattiu 12:42

Leitaw lam gam kumpinu in Solomon’ pilna thu a ngai dingin leitung phelkhat kantanin hong pai ahih manin thukhen ni ciangin amah in note mawhsakna thu hong gen ding hi. Note kiangah kong genin-ah: Tu mahmahin hih lai-ah Solomon sangin a lianzaw khat a om hi.

Isaiah 65:9

Jakob sung panin Judah minamte thupha ka pia ding a, amau’ suanlekhakte in mualtung gam a luah ding uh hi. Keima na hong sem, keima teel mite, tua gamah teng ding uh hi.

Piancilna 49:10

Judah in kumpi ciangkhut len tawntung ding a, a suan a khakte in zong ukna aana nei tawntung ding hi. Minam dangte in ama tungah siah puak ding a, zahtakna tawh ama mai-ah kun ding uh hi.

Marka 13:28

Thei kung tung pana thupiang panin thu thei un. A hiangte hong meeng a, a teh hong no ciangin khuakhal hun hong naita ding hi, ci-in na thei un.