Marka 12:9 - Tedim Bible

⁹ “Tua ahihleh lonei pa in bangci bawl ding ahi hiam? Amah hong pai-in lo khawhlawhte that ding a, a lo, midangte a khawhlawhsak ding hi.

Tedim Bible Revision 2017

⁹ “Tua ahihleh lo nei pa in bangci bawl ding ahi hiam? Amah hong pai-in lo khawhlawhte that dinga, a lo, midangte a khawhlawhsak ding hi.

Marka 12:9 Referans Kwoze

ROM (Romans) 10:20

Tua banah Isaiah in Pasian’ min tawh hangtakin thu na gen a, “Kei hong zong lo mite in kei hong mu uh a, kei hong kan lo mite tungah ka kilak hi,” ci-in na gen hi.

Luka 19:27

Tu-in, kumpi dingin kei a hong deih lo ka galte pen hih lai-ah hong paipih unla, keima muhna-ah that un,’ ci hi,” a ci hi.

Mattiu 21:43

Tua ahih ciangin note kiangah kong genin-ah: Note pen Pasian hong ki-uksak nawn lo ding a, a kilawmin a gamta ding mite bek Pasian in uk ding hi.

Mattiu 22:7

Kumpipa zong heh mahmah a, a galkapte kuansakin tua mi thatte a thahsak khit ciangin a khua a haltumsak hi.

Mattiu 12:45

Tua ciangin va paikik a, amah sangin a siahuaizaw dawi sagih hong tunpihin tua mipa sungah a teng uh hi. Tua ahih manin tua mipa pianzia pen a masa huna sangin a siazaw hi. Tua ahih ciangin tuhuna migilote zong hih mipa’ pianzia mah tawh kibang ding uh hi,” a ci hi.

Malakhi 1:11

Leitung khempeuhah a om minam khempeuh in kei hong zahtak uh a, kei a dingin mun khempeuhah paknamtui halin, a kisangthei ding biakpiakna hong pia uh hi. Mi khempeuh in kei hong zahtak uh hi.

Jeremiah 17:3

zanglei-a om mualte tungah zong tua mawhna a kilang hi. Na gam sung khempeuh uhah na bawl uh mawhnate hangin na neih na lam uh le na sum na paite uh, na galte uh ka tuahmangsak ding hi.

Isaiah 65:15

Keima teel mite in samsiatna-in na min uh zang ding uh a, Topa Pasian in note hong that ding hi. Ahih hangin ama nasemte pen min dang a phuah ding hi.

Isaiah 29:17

Lebanon mual pen singno lo hoih suakin, singno lo hoih pen tulak a suahna ding hun tomno sung bek hi lo ahi hiam?

Joshua 23:15

Ahih hangin, amah in note hong thupiak ahi Topa na Pasian uh thuciamna palsatin, note in pasian dangte’ na semin tuate na biak uhleh, Topa na Pasian un note tawh kisai-in a ciam na hoih khempeuh a tun mah bangin Topa na Pasian un note hong piaksa hih leitang hoih panin amah in note hong suksiat khit matengin note tungah siatna khempeuh hong tungsak ding hi. Note tungah Topa hong sinso ding a, note tungah a hong piak leitang hoih panin note manlang takin na bei ding uh hi,” a ci hi.

Mattiu 21:34

Leenggah min hun a tun ciangin ama ngah ding teng a va la dingin lo khawhlawhte kiangah a nasemte a paisak hi.

Marka 12:8

Tua ahih manin amah manin that uh a, lo nawlah a pai uh hi.

Marka 12:10

‘Innlamte in a nilkhiat suang pen innkiu suang bulpi suak khinta hi.