Marka 12:40 - Tedim Bible

⁴⁰ Meigong numeite tungah nuamtaksa-in a neihsate laksakin zangmang uh a, mite in mihoih a saktheih nading uh a deihna hangun thu saupipi a ngen uh hi. Amau’ kineihkhemna tawh kizui-in a gimthuak ding uh lianzaw ding hi,” a ci hi.

Tedim Bible Revision 2017

⁴⁰ Meigong numeite tungah nuamtak sa-in a neihsate laksakin zang mang uh a, mite in mihoih a sak theih nading uh a deihna hangun thu sau pipi a ngen uh hi. Amauʼ kineihkhemna tawh kizui-in a gimthuak ding uh lian zaw ding hi,” a ci hi.

Marka 12:40 Referans Kwoze

Luka 20:47

Meigong numeite tungah nuamtaksa-in, khemin a neihsateng uh laksak uh a, mite in mihoih a sak nading uh a deihna-un thu saupipi a ngen uh hi. Amau’ kineihkhemna tawh kizui-in a gimthuak ding uh lianzaw ding hi,” a ci hi.

Mattiu 23:33

Gul a bang mite’ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Mattiu 6:7

“Thu na nget uh ciangin i thunget sau leh Pasian in hong pia deuh ding hi, ci-in a ngaihsun Gentail mite bangin khiatna a nei tum lo kam tampi na luilui kei un.

2 TIMOTI NIHNA 3:6

Tua bang mite pawlkhat, mite inn-ah va hawh khiankhianin, deihna nam tuamtuam le mawhna lungsim tawh a kidim numeite na thuzawh uh hi.

Ezekiel 22:25

A uliante uh, ganhing a that humpinelkai hawk tawh kibang uh hi. Amaute in mi thatin, a sum le a neihsa khempeuh laksak uh a, a mi thahna hangun numei tampi tak meigong suaksak uh hi.

Micah 2:2

Lo deih le-uh, mi-a’ sut uh a, inn deih le-uh, mi-a’ mah sut uh hi. Mite bawlsia-in, a inn le a neihsa uh a sut uh hi.

Mattiu 23:14

“Mihoih a kineihkhem, no Thukham hilh siate le Farisi mite in gimna na thuak ding uh hi. Meigong numeite tungah nuamtak sa-in a neihsa teng uh laksakin na zangmang uh a, mite in mihoih hong saktheih nading na deihna-un thu saupipi na ngen uh hi. Hih bangin na gamtatna uh hangin na gim thuak ding uh nasiazaw kan lai ding hi.

Marka 12:39

Kikhopna inn sungah, uliante a dingin a kikoihcing tutphah nuamte tungah tunuam uh a, pawi sungah zong uliante’ tutna mun hoihte bekah a tunuam uh hi.

2 KORIN NIHNA 11:20

Note, sila-in hong bawlin, note hong thangsiahin, na haina uh nuamtaksa-in hong hih thopthopin, note hong simmawh bawlin, na paang uh a hong bengbengte na sang uh hi.