Marka 12:37 - Tedim Bible

³⁷ David mahmah in Khrih pen ‘Topa,’ ci hi. Tua ahihleh Khrih pen David’ suan hi lel, cih mawkmawk ding hithei ding ahi hiam?” a ci hi. Mihonte in hih thu a zak uh ciangin a lungdam mahmah uh hi.

Tedim Bible Revision 2017

³⁷ David mahmah in Khris pen ‘Topa,’ ci hi. Tua ahihleh Khris pen Davidʼ suan hi lel, cih mawkmawk ding hi thei ding ahi hiam?” a ci hi. Mihonte in hih thu a zak uh ciangin a lungdam mahmah uh hi.

Marka 12:37 Referans Kwoze

Mangmuhna 22:16

“Keimah Jesuh in pawlpite a dingin hih thute nang kiangah a hong gen dingin ka vantungmi ka hong sawl hi. Kei pen David’ zung le a suan ahi, zingsol ka hi hi,” a hong ci hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu-ah mihau a suak dingin Pasian in leitung mizawngte a teel hinapi-in,

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

ROM (Romans) 9:5

le a thupi pupite’ suanlekhakte hi uh a, leitung silesa tawh kisai-in Khrih zong amau minam sung panin a piang ahi hi. Hih thute hangin mi khempeuh in na khempeuh a uk Pasian phat tawntung ta uh hen! Amen.

Johan 12:9

Bethany khua-ah Jesuh a omna thu a zak uh ciangin mihon tampi hong pai uh hi. Jesuh a mu nuamin hong pai hi bek lo uh a, Jesuh in sihna panin a thawhsakkik Lazaras zong a mu nuam kawm uh ahi hi.

Luka 21:38

Ama thuhilhna a ngai dingin mi khempeuh zingsang simin biakinn-ah hong pai baih uh hi.

Luka 19:48

ahi zongin mi khempeuh in a thugente mal khat zong khahsuah nuam loin a thu ngai tawntung uh ahih manin a suktheih nading uh a hun om thei lo hi.

Mattiu 21:46

Jesuh a man dingin kithawi uh a, ahi zongin mihonte in kamsang khatin ngaihsun uh ahih manin mihonte a kihtak manun a man ngam kei uh hi.

Mattiu 11:25

Tua ciangin Jesuh in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Mattiu 11:5

Mittawte in khua mukik a, khebaite paithei kikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Mattiu 1:23

“Nungak khat gai-in tapa khat nei ding a, ama min dingin Emmanuel kiphuak ding hi,” ci hi. Emmanuel a khiatna in, eite tawh Pasian hong omkhawm hi, a cihna ahi hi.

Mattiu 21:45

Siampi liante le Farisi mite in hih thugentehna a zak uh ciangin amaute a cihnopna-in a gen ahihlam a phawk uh hi.