Marka 12:31 - Tedim Bible

³¹ A nihna in: Nangma pumpi na it bangin na vengte na it in, cihna ahi hi. Hih tegel sangin thukham a lianzaw a dang om nawn lo hi,” ci-in a dawng hi.

Tedim Bible Revision 2017

³¹ A nihna in: Nangma pumpi na it bangin na veengte na it in, cihna ahi hi. Hih tegel sangin thukham a lian zaw a dang om nawn lo hi,” ci-in a dawng hi.

Marka 12:31 Referans Kwoze

Mattiu 22:39

A nihna pen a masa mah tawh kibang a, nangma pumpi na it bangin na vengte na it in, cihna ahi hi.

Siampi Laibu 19:18

Note in nomau’ mipihte tungah phu la loin, amau na lungsim neih kei ding uh a, nomau na ki-it uh bangin na vengte uh na it ding uh hi; kei pen Topa ka hi hi.

Luka 10:27

Amah in, “Na Topa Pasian na lungsim khempeuh, na nuntakna khempeuh, na hatna khempeuh, le na pilna khempeuh tawh na it inla, nangmah na ki-it bangin na vengte na it in,” ci-in kigelh hi, ci-in a dawng hi.

Mattiu 7:12

Tua ahih manin note tungah hong kibawl ding na deih bangun midangte tungah na bawl un. Moses Thukhamte le kamsangte’ thuhilhnate pen hih mah a deihna ahi hi.

Galati 5:14

Bang hang hiam cih leh Thukham khempeuh thu khatin kigawm thei a, “Nangmah na ki-it bangin na vengte na it in,” cihna tawh kitomlak thei hi.

1 JOHAN MASA 4:21

Khrih in eite tungah hong thupiakna in: Pasian a it mi in a Khristian mipihte zong it ding hi, cihna ahi hi.

Siampi Laibu 19:13

“Note in na vengte uh na nengniam kei ding uh a, a na na sut kei ding uh hi. A kicial nasempa’ thaman pen a zingsang dong zan tawntung na kemcip kei ding uh hi.

Marka 12:32

Tua ciangin Thukham hilh siapa in, “Sia aw, na gen mah bangin hi ka sa mahmah hi. Topa bek mah Pasian hi a, amah simloh pasian dang kuamah om lo hi.