Marka 12:28 - Tedim Bible

²⁸ Tua thukidotna a za Thukham hilh siate khat in, Saddusi mite’ dotnate limtakin Jesuh in a dawntheihna a muh ciangin Jesuh hong neh a, “Thukham khempeuh lakah bang thukham a lianpen ahi hiam?” ci-in a dong hi.

Tedim Bible Revision 2017

²⁸ Tua thu kidotna a za Thukham hilh siate khat in, Saddusi miteʼ dotnate limtakin Jesu in a dawn theihna a muh ciangin Jesu hong neh a, “Thukham khempeuh lakah bang thukham a lian pen ahi hiam?” ci-in a dong hi.

Marka 12:28 Referans Kwoze

Luka 20:39

Tua ciangin Thukham hilh siate pawlkhat in, “Sia aw, na dawnna hoih mahmah hi,” a ci uh hi.

Mattiu 19:18

Amah in, “Bang thukhamte ahi hiam?” ci-in a dot ciangin Jesuh in, “Mi that kei in; numei tungah mawh kei in; mi neihsa gu kei in; zuauthu gen kei in;

Mattiu 5:19

Tua ahih manin hih thukhamte lakpan a neupente khat bek nangawn zuikha loin, midangte in zong a zuih loh nadingin a gen mite pen vantung ki-ukna sungah mi neupen hi ding uh hi. Ahi zongin hih thukhamte zui-in, midangte in zong a zuih nadingin a hilh mite pen vantung ki-ukna sungah milian hi ding uh hi.

Luka 11:42

“No Farisi mite in gimna na thuak ding uh hi. Note in Pasian tungah lengmasel, thuambuak a kipan anteh theipuam dongin sawm-ah-khat pia napi-in, mite tungah thuman ding le Pasian it ding na donkha kei uh hi. Hihte khempeuh na hihkim ding uh hi a, paihkhiat na neih ding uh hi lo hi.

Mattiu 23:23

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in Pasian tungah lengmasel, masala, le kummin sing namtui a kipanin meh namtui nam khempeuh, sawm-ah-khat pia napi-in, thukham sungah a thupizaw ahi thutang, hehpihna, le thumante na don kei uh hi. Adangte nusia tuan loin hih thute na zuih ding uh ahi hi.

Marka 9:14

Nungzui dangte’ omna-ah a tunkik uh ciangin tua lai-ah mi tampi tak na om uh hi. Thukham hilh sia pawlkhatte le nungzuite thu na kisel uh hi.