Marka 12:26 - Tedim Bible

²⁶ Thawhkikna thu tawh kisai-in ci lehang, Moses’ laigelhna sung sawlpang kuang thu a genna munah Pasian in Moses kiangah, ‘Kei pen Abraham’ Pasian, Isaac’ Pasian, Jakob’ Pasian ka hi hi,’ a cihna mun sim ngei lo na hi uh hiam?

Tedim Bible Revision 2017

²⁶ Thawhkikna thu tawh kisai-in ci lehang, Mosesʼ laigelhna sung sawlpang kuang thu a genna munah Pasian in Moses kiangah, ‘Kei pen Abrahamʼ Pasian, Isaacʼ Pasian, Jakobʼ Pasian ka hi hi,’ a cihna mun sim ngei lo na hi uh hiam?

Marka 12:26 Referans Kwoze

Luka 20:37

Tua tham loin Moses in zong misite a thawhkikna thu teltakin hong lak hi. Sawlpang kuang thu a genna munah Topa pen, ‘Abraham Pasian, Isaac Pasian, Jakob Pasian,’ ci-in a na gen hi.

Piancilna 33:20

Tua lai-ah amah in biakna tau khat bawl a, El-Elohe-Israel, ci-in min a phuak hi.

Paikhiatna 3:16

Pai in, Israel upate kaikhawmin amaute kiangah, ‘Topa, na pate uh’ Pasian, Abraham, Isaac, le Jakob’ Pasian keima tungah hong kilang khinin, “Note le Egypt gam sungah note’ tungah hong kibawlna ka mu khin hi.

Piancilna 32:9

Jakob in, “Ka pu Abraham’ Pasian le ka pa Isaac’ Pasian, keima kiangah, ‘Na gam le na behte kiangah ciahkik in; nang’ tungah hoihna kong bawl ding hi,’ hong ci Topa aw,

Piancilna 31:42

Ka pa’ Pasian, Abraham’ Pasian, le Isaac’ Zahtak pa in kei hong ompih lo hileh, tu-in nangmah in khut hawmguakin kei nong sawlkhia taktak ding hi. Pasian in ka thuakna le ka nasepna mu a, zan zanin nang hong thuhilh hi,” a ci hi.

Piancilna 26:24

Tua zan mahin ama tungah Topa kilang a, “Kei pen na pa Abraham’ Pasian ka hi hi. Lau kei in; bang hang hiam cih leh ka nasempa Abraham’ huhau-in nang tawh kong om a, nang le na suanlekhakte thupha hong pia-in kong pungsak ding hi,” a ci hi.

Marka 12:10

‘Innlamte in a nilkhiat suang pen innkiu suang bulpi suak khinta hi.

Piancilna 28:13

En in, tua sanah Topa ding a, “Kei pen na pa Abraham’ Pasian le Isaac’ Pasian, Topa ka hi hi. Nang le na suanlekhakte’ tungah tu-a na lupna leitang kong pia ding hi.

Marka 12:25

Sihna panin mite a thawhkik ciangin vantungah a om vantung mite mah bangin zinei pasalnei cih om lo ding uh hi.

Johan 20:17

Tua ciangin Jesuh in, “Kei hong lenlen nawn kei in. Ka Pa kiangah a paito nai lo ka hi hi. Ka sanggamte kiangah va pai inla, ‘Keima Pa le note’ Pa, keima Pasian le note’ Pasian’ kiangah ka pai ding hi,’ ci hi, ci-in va gensak zaw in,” a ci hi.

ROM (Romans) 11:2

Pasian in tanglai panin a teelsa mite nusia lo hi. Elijah in Israel mite mawhsakin Pasian kiangah nakpitakin thu a genna Lai Siangtho sungah a kigelh thei lo na hi uh hiam?