Marka 12:2 - Tedim Bible

² Leenggah lawh hun a tun ciangin ama ngah ding tangteng a la dingin lo khawhlawhte kiangah a nasemte khat a paisak hi.

Tedim Bible Revision 2017

² Leenggah lawh hun a tun ciangin ama ngah ding taang teng a la dingin lo khawhlawhte kiangah a nasemte khat a paisak hi.

Marka 12:2 Referans Kwoze

Hebru 1:1

A beisa hunah Pasian in kamsangte zangin i pupite tungah a lam tuamtuam tawh a khen khenin thu na gen ngeizo hi.

Luka 20:10

Leenggah min hun a tun ciangin ama ngahzah tang ding a va la dingin lo khawhlawhte kiangah a nasemte khat a sawl hi. Ahi zongin lo khawhlawhte in amah na satgawp uh a, khut hawmguakin a ciahsak uh hi.

Luka 12:48

Ahi zongin a topa’ deihna a theih lohna hangin satthuak nading a gamtakha nasem pa pen kidamsat zawdeuh ding hi. Tampi a kipiakna pa tung pan tampi kikal ding a, a tamzaw a ki-apna pa tung pan a tamzaw kikal ding hi,” ci-in a dawng hi.

Mattiu 21:34

Leenggah min hun a tun ciangin ama ngah ding teng a va la dingin lo khawhlawhte kiangah a nasemte a paisak hi.

Zekhariah 7:7

Jerusalem cithei-in a khua sungah mi tampi om a, leitaw lam gam, nitumna lam gam, a kiim a pam khuapite-ah mi tampi tengin a om hun laitakin, tu-a bangmahin Topa in a kamsang masate’ tungtawnin a gensa thu ahi hi.

Micah 7:1

Kei a kamsia hi’ng! Singgah le leenggah a heu hun laitakin a gilkial mipa tawh ka kibang hi. Leenggah nek ding om nawn lo a, ka lunggulhgulh theigah beita hi.

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na gamta nawn kei un,’ ci-in kong gensak tawntung hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak-uhleh note le na pu na pate uh kiangah ka piak gam sungah na teng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Late 1:3

Amah pen lui tuiluang gei-a a kisuan ama gah hunin gah a, a teh a vul ngei lo singkung tawh kibang hi. Ama hihna khempeuhah a maa pai mahmah hi.

2 KHANG TANGTHU NIHNATE 36:15

A mite le ama tenna mun khasiat ahih manin amau’ pute pate’ Pasian, Topa in a kamtaite amaute kiangah sawl teitei hi.

2 KUMPI NIHNATE 17:13

Ahi zongin Topa in kamsangte khempeuh le thumute khempeuh tungtawnin Israel le Judah mite hilhkhol a, “Na pu na pate uh ka thupiak thukhamte khempeuh, le kamsangte ahi ka nasemte’ tungtawnin note kiangah thu kong puak bangin na gamtat siate panun kihei-in ka thupiaknate le ka thukhamte zui un,” a ci hi.

Marka 12:1

Tua ciangin Jesuh in amaute kiangah thugentehna zangin thu hilh a, “Mi khat in lo zuanin leenggui suan a, a kimkot umin leenggah cil nading bawl a, a hon nading tausang khat a lam khit ciangin, lo khawhlawhte khawhlawhsak a, amah gam dangah a pai hi.

Marka 12:3

Lo khawhlawhte in tua a nasempa manin satgawp uh a, a guak ciahsakkik uh hi.