Marka 12:16 - Tedim Bible

¹⁶ Amaute in zong dangka peek khat hong paipih uh a, tua ciangin Jesuh in, “Hih dangka tunga om kua’ lim hi a, kua’ min ahi hiam?” ci-in a dot ciangin, “Rom Kumpipa Sisar’ lim le a min ahi hi,” ci-in a dawng uh hi.

Tedim Bible Revision 2017

¹⁶ Amaute in zong dangka peek khat hong paipih uh a, tua ciangin Jesu in, “Hih dangka tunga om kuaʼ lim hi a, kuaʼ min ahi hiam?” ci-in a dot ciangin, “Rom Kumpipa Sisarʼ lim le a min ahi hi,” ci-in a dawng uh hi.

Marka 12:16 Referans Kwoze

Mangmuhna 3:12

A gualzote pen ka Pasian’ sutpi-in ka bawl ding a, amaute paikhia ngei nawn lo ding uh hi. Amaute tungah ka Pasian’ min le ka Pasian kiang vantung panin a hong paisuk ding Jerusalem khua thak min ka gelh ding a, amaute tungah keima min thak zong ka gelh ding hi.

2 TIMOTI NIHNA 2:19

Ahi zongin Pasian in a phuhsa sutpi kilokzo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna sukhalo ding hi,” cihna kigelh hi.

Marka 12:15

Pia ding ihi hiam, pia lo ding ihi hiam?” ci-in a dong uh hi. Ahi zongin Jesuh in amau lungsimtawng thei ahih manin, “Bang hangin kei hong thangsiah se na hi uh hiam? Ka et dingin dangka peek khat hong la dih un,” a ci hi.

Marka 12:17

Tua ciangin Jesuh in, “Tua ahihleh, Sisar’ neihsate Sisar’ tungah pia unla, Pasian’ neihsate Pasian’ tungah pia un,” a ci hi. Tua ama thudawnna hangin lamdang a sa mahmah uh hi.