Marka 12:14 - Tedim Bible

¹⁴ Amaute in, “Sia aw, nangmah in thutang genin, midangte’ pau ding phamawh na sak lohna, uliante’ maitang zahtak tuan loin, Pasian in mite a gamtat dingin a deihna thute tangtakin na hilhna ka thei uh hi. Tua ahih manin Rom Kumpipa Sisar tungah siah i piak ding kilawm ahi hiam, kilawm lo ahi hiam?

Tedim Bible Revision 2017

¹⁴ Amaute in, “Sia aw, nangmah in thutang genin, midangteʼ pau ding phamawh na sak lohna, ulianteʼ maitang zahtak tuan loin, Pasian in mite a gamtat dingin a deihna thute tangtakin na hilhna ka thei uh hi. Tua ahih manin Rom Kumpipa Sisar tungah siah i piak ding kilawm ahi hiam, kilawm lo ahi hiam?

Marka 12:14 Referans Kwoze

1 THESALONIKA MASA 2:4

Pasian in kote hong thei-in Lungdamna Thu a hilh dingin kilawm hong sa ahih mah bangin mite’ lungdam theih nadingin thu a hilh hi loin kote’ lungsim ngimna a hong thei Pasian’ lungkim nadingin thu a hilh ka hizaw uh hi.

Galati 2:6

Jerusalem khua-a om makai lian a kinei mite in kei’ nasepna tawh kisai thu-ah bangmah genthuah ding nei lo uh hi. (Pasian in maitang zahtak tuam nei tuan lo ahih manin hih bangin thu a gen ngam ka hi hi.)

Galati 1:10

Hih bangin thu ka gen ciangin mite’ hong pahtak theih nading a zong tawh kibang na hong sa uh hiam? Mite’ pahtak ding a ut ka hi kei a, Pasian’ hong pahtak ding a hanciam ka hi hi. Mihingte’ hong pahtak theih nadingin a gamta hi zenzen leng, Khrih’ nasem ka hi kei ding hi.

2 KORIN NIHNA 5:16

Tua ahih manin kote in mihingte’ ngeina zia tawh kuamah ka en nawn kei uh hi. Khrih mahmah zong mihing lungsim ngaihsutna zia tawh ka et ngei uh hangin tu-in tua bangin ka ngaihsun nawn kei uh hi.

2 KORIN NIHNA 5:11

Pasian zahtak nading thu ka lungsim uhah om tawntung ahih manin mite ka zolzawh nadingun ka hanciam uh hi. Pasian in kote’ lungsim teltakin hong thei a, note in zong na lungsim uhah kei hong thei dingin ka hong um hi.

2 KORIN NIHNA 2:17

Ahi zongin kote pen, van gina tum lo a zuak mite tawh a kibang ahi, Pasian’ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khrih nasem hihna tawh ama mai-ah lungsim takpi tawh thugente ka hi uh hi.

2 KORIN NIHNA 2:2

Kei a hong lungdamsak ding note ke’n hong dahsak leng, kei kua in hong lungdamsak nawn ding ahi hiam?

Johan 7:18

Amau’ thu bek tawh thu a gente in amau’ minthan nading a zong hi a, ahi zongin a hong sawl pa’ minthan nading a zong keimah in thuman thutak gen ka hih manin zuauthu kihel lo hi.

ROM (Romans) 13:6

Ukna thu a neite in amau’ sep dingteng a kimtakin a sep uh ciangin Pasian a dingin na a semte hi uh ahih manin tua thu hang mahin zong mangmu a pia na hi uh hi.

Luka 23:2

Tua lai panin amah mawhzon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, amahmah zong Khrih ahi kumpi khat ahihna a kigenna zong ka za uh hi,” a ci uh hi.

Luka 20:22

Rom Kumpipa Sisar’ tungah siah i piak ding a kilawm mah ahi hiam, kilawm lo ahi hiam?” ci-in a dong uh hi.

Marka 14:45

Tua ahih manin hong tun phetin Jesuh kiangah paipah a, “Sia aw,” ci-in limnap mahmah hi.

Mattiu 22:17

Tua ahih ciangin Rom kumpipa Sisar tungah siah i piak ding kilawm hiam, na ngaihsutna nong gen nadingin ka deih uh hi,” a ci uh hi.

Micah 3:8

Ahi zongin kei ahihleh, Israel mite tungah a mawhna uh a genkhia dingin Topa’ kha le a vang tawh ka kidim a, thutang gen ngamna ding lungsim ka nei hi.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh kiangah kei nong paisak uh a, ‘Ko a dingin Topa i Pasian’ kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ na hong ci uh hi.

Late 120:2

Topa aw, mizuaute le mikhemte’ kiang panin kei hong honkhia in.

Late 55:21

Ama kampau, thawhbat sangin nelzaw a, ahi zongin a lung sungah muhdahna om hi. A kammalte sathau sangin nipzaw a, ahi zongin tuate pen namsau hiam mahmah tawh kibang hi.

Nehemiah 9:37

Tu-in leitang tunga piang khempeuh pen kote’ mawhna hangin kote’ tungah nong koih kumpite tungah tung ta hi. Tua kumpite in kote tungah thu hong nei-in, ka ganhingte uh a ut utun hong hihsak uh a, kote lungkham mahmahin ka om uh hi,’ ci un,” a ci uh hi.

2 KHANG TANGTHU NIHNATE 19:7

Tu-in note in Topa zahtak unla, na hihnate uhah kingaihsun un. Bang hang hiam cih leh Topa i Pasian in thuman heikhiatna, mi deidanna, le sumgolh laknate deih lo hi,” a ci hi.

2 KHANG TANGTHU NIHNATE 18:13

Ahih hangin Mikaiah in, “Topa a nungta ahih mah bangin, ka Pasian’ gen thu bek ka gen ding hi,” a ci hi.

Thu-hilhkikna 16:19

Thutang na heikhia kei ding uh a, angvan tuam na nei kei ding uh hi. Sumgolh in mipilte’ mit tawsakin thumante’ thu heikhia ahih manin sumgolh na la kei ding uh hi.

2 KORIN NIHNA 4:1

Pasian in hong hehpihna tawh hih nasep hong pia ahih manin ka thaneem hetkei uh hi.

Mattiu 22:16

Amau’ nungzuite le Herod mi pawlkhat, Jesuh kiangah a paisak uh hi. Amaute in, “Sia aw, thu ahi bang a gen tawntung na hihna thu ka thei uh hi. Mite kuamah zahtaktuam nei lo na hih manin midangte’ pau ding bangmah phamawhsa loin Pasian in mite’ gamtat ding a deihna bangin tangtakin thu na hilh tawntung hi.

Marka 12:13

Tua ciangin Jesuh ama kampauna tawh a kimat theih nadingin Farisi mi pawlkhat le Herod mi pawlkhat Jesuh kiangah thudong dingin hong kisawl hi.

Marka 12:15

Pia ding ihi hiam, pia lo ding ihi hiam?” ci-in a dong uh hi. Ahi zongin Jesuh in amau lungsimtawng thei ahih manin, “Bang hangin kei hong thangsiah se na hi uh hiam? Ka et dingin dangka peek khat hong la dih un,” a ci hi.