Marka 12:1 - Tedim Bible

¹ Tua ciangin Jesuh in amaute kiangah thugentehna zangin thu hilh a, “Mi khat in lo zuanin leenggui suan a, a kimkot umin leenggah cil nading bawl a, a hon nading tausang khat a lam khit ciangin, lo khawhlawhte khawhlawhsak a, amah gam dangah a pai hi.

Tedim Bible Revision 2017

¹ Tua ciangin Jesu in amaute kiangah thu gentehna zangin thu hilh a, “Mi khat in lo zuanin leenggui suan a, a kimkot umin leenggah cil nading bawl a, a hon nading tausang khat a lam khit ciangin, lo khawhlawhte khawhlawhsak a, amah gam dangah a pai hi.

Marka 12:1 Referans Kwoze

Marka 13:34

Mi khat khualzin dingin paikhia a, a dinkhiat ding ciangin amau’ sep ding ciat a nasemte tungah tavuan pia a, kongcing pa in limtakin a cin ding a sawl mipa tawh kibang hi.

Marka 4:2

Amah in thugentehna tawh thu tampi hilh a, a thuhilhna-ah:

Mattiu 25:14

“Inn panin khualzin dingin a paikhia mipa tawh zong kibang hi. Amah in a nasemte samin, a neihsateng a nasemte’ kep dingin a ap hi.

Sawltak 7:38

Amah pen Israel mite tawh gamlakah a om pa hi a, Sinai Mual tunga ama kiangah thu a gen vantungmi le i pute tawh a kikhawlpa ahi hi. Eite tungah hong gensawn dingin Pasian kiang panin a tul ngei lo thu a ngah ahi hi.

Luka 19:12

“Khatvei, ulian khat om a, kumpi za a lakkhit ciangin a ciahkik dingin gamlapi gamah a pai dingin a ding khia hi.

Luka 15:13

Ni tawmkhat khit ciangin a nauzawpa in ama neihsateng zuakin a sum tawh inn panin a gamlapi-ah paikhia a, a sumte a phengzat gawp hi.

Luka 8:10

Jesuh in, “Pasian’ Ukna thu tawh kisai thusim, note tungah hong kigen hi. Ahi zongin midangte in, en en napi-un a muh loh nading za za napi-un a tel loh nadingun amaute tungah thugentehna tawh thu kigen hi,” a ci hi.

Mattiu 21:28

Tua ciangin Jesuh in amaute kiangah, “Note in bangci ngaihsut na hi uh hiam? Mi khat in tapa nih nei hi. A ta uzaw kiangah, ‘Ka ta aw, tuni-in leenggah lo-ah va kuan in,’ ci-in a sawl ciangin

Ezekiel 20:49

Tua ciangin kei zong, “Topa Pasian aw, kei hong sawl kei in. Mi khempeuh in kei pen khiatna nei-a thugen thei pa hi, ci-in a hong ngaihsut uh ka hi hi,” ci-in ka nial hi.

Jeremiah 2:21

A kiteelteel leenggui ci hoihte bangin nang kong suankik zo a, ahih hangin nang kisia kikin bang hangin leenggah gui a hoih lote na suakkik na hi hiam?

Isaiah 7:23

“Tua ni ciangin nguntang tulkhat a man leenggui tulkhat a omna mun khempeuh pen lingkungte le lingte’ omna suak ding hi.

Luka 22:9

“Koi lai-ah va bawl le ung hong deih na hi hiam?” ci-in a dong uh hi.

Mattiu 13:3

Amah in thugentehna a tuamtuam zangin thu tampi hilhin a genin-ah: “Khaici vawhpa khaici vawh dingin a kuankhia hi.

Mattiu 21:33

“Thugentehna dang khat na ngai lai un. Mi khat in lo zuanin leenggui suan a, a kimkot umin, leenggah cil nading bawl a, a honna ding tausang khat a lam khit ciangin lo khawhlawhte khawhlawh sakin gam dangah a pai hi.

Mattiu 21:34

Leenggah min hun a tun ciangin ama ngah ding teng a va la dingin lo khawhlawhte kiangah a nasemte a paisak hi.

Marka 3:23

Tua ahih ciangin Jesuh in ama kiangah mite samin thugentehna tawh thu hilh a, “Satan in Satan bangci hawlkhiat theih ding ahi hiam?

Marka 11:33

Tua ahih ciangin, “Ka thei kei uh hi,” ci-in a dawng uh hi. Jesuh in zong, “Hih nate kua thu tawh ka bawl cih thu kei zong kong gen kei ding hi,” a ci hi.