Marka 11:33 - Tedim Bible

³³ Tua ahih ciangin, “Ka thei kei uh hi,” ci-in a dawng uh hi. Jesuh in zong, “Hih nate kua thu tawh ka bawl cih thu kei zong kong gen kei ding hi,” a ci hi.

Tedim Bible Revision 2017

³³ Tua ahih ciangin, “Ka thei kei uh hi,” ci-in a dawng uh hi. Jesu in zong, “Hih nate kua thu tawh ka bawl cih thu kei zong kong gen kei ding hi,” a ci hi.

Marka 11:33 Referans Kwoze

2 KORIN NIHNA 3:15

Tuhun dongin amaute in Moses Thukham laibu a sim uh ciangin liahna puan in a lungsim uh a liah lai hi.

ROM (Romans) 1:28

Mite in a man ahi Pasian’ thu ngaihsutin nei nuam lo uh ahih manin amaute’ ngaihsut hoih lo bangin a gamtat theih nadingun Pasian in a khahkhia hi. Tua ahih manin a gamtat dingun a kilawm lopipi-in a gamta uh hi.

Johan 9:27

“A thuteng ka hong gen khitsa hinapi, ka thugen na um kei uh hi. Bang dingin za kikkik nuam na hi uh hiam? Note zong ama nungzui suak nuam na hi uh hiam?” ci-in a dawng hi.

Johan 3:10

Jesuh in, “Israel mite’ sia hinapi-in hih thu theithei lo na hi hiam?

Mattiu 21:27

Tua ahih ciangin Jesuh kiangah, “Ka thei kei uh hi,” ci-in a dawng uh hi. Jesuh in zong amaute kiangah, “Kei zong hih nate, kua thu tawh ka bawl cih ka hong gen kei ding hi,” a ci hi.

Mattiu 16:4

Tulai hun mite giloin, Pasian tawh kipawl lo uh hi. Lim a nget uh hangin Jonah lim simloh a dang kilaklo ding hi,” ci-in a dawng hi. Tua ahih manin amaute nusia-in a paisan hi.

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kiakhawm ding uh hi,” ci-in a dawng hi.

Isaiah 56:10

Amau’ galvilte a mit uh taw a, amaute khempeuh in bangmah thei lo uh hi. Amaute khempeuh ui ham thei lo inncing tawh kibang uh a, amaute in tawng thei lo uh hi. Mot paupau, lumlum, lususu in om ding bek nuam a sa uh hi.

Isaiah 1:3

Bawng in amah a nei pa thei a, la in zong a topa’ an piakna mun thei buang hi. Ahih hangin Israel in bangmah thei lo a, keima mite in thei thei lo uh hi,” a ci hi.

JOB (Job) 5:13

Amah in migilote amau’ gitlohna mahah awksak a, ngian a zangte’ geelna zong a lumletsak hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawknuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Marka 11:32

“Mihingte’ tung pan hi,” cih ding lah, mi khempeuh in Johan pen kamsang taktakin ngaihsun uh ahih manin mite i kihta zel hi, a ci uh hi.

Marka 12:1

Tua ciangin Jesuh in amaute kiangah thugentehna zangin thu hilh a, “Mi khat in lo zuanin leenggui suan a, a kimkot umin leenggah cil nading bawl a, a hon nading tausang khat a lam khit ciangin, lo khawhlawhte khawhlawhsak a, amah gam dangah a pai hi.