Marka 11:25 - Tedim Bible

²⁵ Thungen dingin na din uh ciangin midang tungah na hehna uh a om khat peuhpeuh maisak un; tua hileh vantungah a om na Pa un note’ mawhna hong maisak ding hi.

Tedim Bible Revision 2017

²⁵ Thungen dingin na din uh ciangin midang tungah na hehna uh a om khat peuhpeuh maisak un; tua hileh vantungah a om na Pa un noteʼ mawhna hong maisak ding hi.

Marka 11:25 Referans Kwoze

Kolose 3:13

Note lakah khatlekhat a kilungkim lo na om uh ciangin khatlekhat na mawhna uh kimaisakin na kihuh ciat un. Topa in note’ mawhna hong maisak bangin note zong khatlekhat na mawhna uh na kimaisak ding uh hi.

Efesa 4:32

khatlekhat kihehpihin, lungsim nem tawh na kihozaw unla, Khrih’ hangin Pasian in note’ mawhna hong maisak mah bangin khatlekhat na mawhna uh na kimaisak ta un.

Luka 6:37

“Midangte’ thu khen kei un. Tua hileh no tungah zong Pasian in thu hong khen lo ding hi. Midangte mawhsak kei un. Tua hileh Pasian in note zong hong mawhsak lo ding hi. Midangte’ mawhna maisak un. Tua hi leh Pasian in note’ mawhna zong hong maisak ding hi.

Mattiu 6:12

Kote tungah a hong mawhte mawh maisakna ka neih bangun ko’ mawhna zong hong maisak in.

Mattiu 5:23

Tua ahih manin Pasian tungah biakna a pia dingin biakna tau mai-ah na om laitakin na sanggamte khat peuhpeuh na tungah a lungkim lohna thu na phawk leh,

Jeim 2:13

Bang hang hiam cih leh hehpihna lungsim a nei lote tungah Pasian in thu a khen ciangin hehpih lo ding a, hehpihna lungsim a neite tungah Pasian in thu a khen ciangin a hehpihna in zozaw ding hi.

Mattiu 6:5

“Note in thu na nget uh ciangin mite’ muh theih dingin a kineihkhem mite in kikhopna innsung le kongzing lamka lai-ah a ngetnop se uh bangin na gamta kei un. Tua bangin a gamtate in thaman a ngah khinta ahihna uh limtakin phawk un.

Luka 18:11

Farisi mipa dingin thu ngen a, ‘Pasian aw, kei pen midangte bangin a huaiham, a thuman lo, numei tungah a mawh mi ka hi kei hi; hua lai-a siahdongpa bang hi lo ka hih manin nangma tungah ka nuamna kong pulak hi.

Zekhariah 3:1

Topa in maang hong musak a, Topa’ vantungmi mai-ah siampi lianpen pa Joshua’ mawhna a zong dingin a kiangah Satan zong a om ka mu hi.

Mangmuhna 11:4

Tua teci nihte pen leitung Topa mai-ah a om oliv kung nihte le meivakna nihte ahi uh hi.

Luka 18:13

Ahi zongin siahdongpa pen a gamla simah ding a, vantung lamah zong dak ngam loin a dip humin kuncip a, ‘Pasian aw, kei mimawh mi khial pa hong hehpih in,’ ci-in a ngen hi.