Marka 11:18 - Tedim Bible

¹⁸ Siampi liante le Thukham hilh siate in hih thu a zak uh ciangin Jesuh a thahtheih nading uh lampi a zong uh hi. Ahi zongin mihonpi in ama thuhilhna lamdangsa uh ahih manin amaute in Jesuh a kihta uh hi.

Tedim Bible Revision 2017

¹⁸ Siampi liante le Thukham hilh siate in hih thu a zak uh ciangin Jesu a thah theih nading uh lampi a zong uh hi. Ahi zongin mihonpi in ama thuhilhna lamdang sa uh ahih manin amaute in Jesu a kihta uh hi.

Marka 11:18 Referans Kwoze

Mattiu 7:28

Jesuh in hih a thugente a man khit ciangin, ama thugenna hangin mihonpite in lamdangsa mahmah uh hi.

Marka 12:12

Hih thugentehna pen amaute a cihnopna a a gen ahihlam Jew makaite in thei uh ahih manin Jesuh a kimat theih nading a hanciam uh hi. Ahi zongin mihonpite kihta uh ahih manin Jesuh bangmah cih loin a paisan uh hi.

Sawltak 24:25

Ahi zongin Paul in thu gengenin, a hoihin a gamtat nading, pumpi ki-uk zawh nading, le hong tung ding Thukhenna Hunte a gen tohtoh ciangin, Feliks hong lau a, “Va paikik phot in. Hun ka ngah ciangin kong samkik ding hi,” ci-in a gen hi.

Johan 7:46

Palikte in, “Hih mipa’ thugen bangin a gen kuamah om nai lo hi,” a cih uh ciangin

Luka 20:19

Jesuh in hih thugentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesuh manpah nuam uh hi; ahi zongin mihonte kihta uh ahih manin manpah ngam lo uh hi.

Luka 19:47

Jesuh in nisimin biakinn sungah thu a hilh hi. Siampi liante, Thukham hilh siate, le upate in amah thatnuam uh hi;

Luka 4:22

Amaute khempeuh in Jesuh thupi sa mahmah uh a, thugen siam sa mahmah uh ahih manin, “Hih pa, Josef’ tapa hi lel hi lo ahi hiam?” a ci uh hi.

Marka 11:32

“Mihingte’ tung pan hi,” cih ding lah, mi khempeuh in Johan pen kamsang taktakin ngaihsun uh ahih manin mite i kihta zel hi, a ci uh hi.

Marka 6:20

Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen zanuam veve hi.

Marka 3:6

Tua ahih ciangin kikhopna inn panin Farisi mite paikhia-in Herod pawlte kimkhat tawh kikhopna neipah uh a, Jesuh a thahtheih nading uh a vaihawm uh hi.

Marka 1:22

A thuhilhna a za mi khempeuh in ama thugenna zia hangin lamdang a sa uh hi. Amah in Thukham hilh siate bangin thu gen loin aana nei mite bangin thu a genzaw hi.

Mattiu 21:15

Ahi zongin siampi liante le Thukham hilh siate in a nalamdang bawlte mu-in, biakinn sungah naupangte in, “David’ suan Jesuh in phatna ngah ta hen!” ci-in a kikona a zak uh ciangin heh uh ahih manin

Isaiah 49:7

Israel a honpa le ama Siangtho Pa ahi Topa in nakpitakin simmawhna a thuak, minamte in a muhdah, gam ukte’ nasempa tungah: “Nangmah a hong teel Israel-te’ Siangtho Pa, a thuman Topa’ hangin mite na hotkhiatna thu kumpite in a muh uh ciangin zahtakna tawh na mai-ah hong ding ding uh a, na mai-ah uliante hong kun ding uh hi,” hong ci hi.

1 KUMPI MASATE 22:18

Tua ciangin Israel kumpipa in Jehoshafat kiangah, “Amah in kei’ thu a hoih gen loin a sia gen ding hi, nang kiangah hong ci khin hi lo ka hi hiam?” a ci hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih nading, Imlah’ tapa Mikaiah a kici mi khat omlai hi. Ahih hangin amah in kei’ thu a hoih gen ngei loin a sia gen den ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

1 KUMPI MASATE 21:20

Ahab in Elijah a muh ciangin, “Ka gal pa aw, kei hong mu na hi hiam?” a ci hi. Amah in dawngin, “Topa’ muhna-ah a sia a gamta dingin nangmah kipiatawm na hih manin nang kong mu hi.

Luka 2:47

Amah in pilna tawh thu genin a dawnna a za mite khempeuh in lamdangsa mahmah uh hi.

Johan 7:1

Tua khit ciangin Galilee gam sungah Jesuh zin kawikawi hi. Jerusalem khua-a om Jew mi uliante in amah thatnuam uh ahih manin Judea gam sungah zin nuam nawn lo hi.

Johan 7:19

Moses in note tungah Thukham hong pia napi-in kuamah in na zui kei uh hi. Tua hinapi, bang hangin thah dingin kei hong sawm na hi uh hiam?” a ci hi.