Marka 11:17 - Tedim Bible

¹⁷ Tua ciangin mite kiangah thu hilh a, “Ka inn pen mi khempeuh a dingin thungetna inn kici ding hi,” ci-in Pasian in a genna thu Lai Siangtho sungah kigelh hi lo ahi hiam? Ahi zongin note in guta buluhte’ bukna mun na suaksak uh hi, ci-in thu a hilh hi.

Tedim Bible Revision 2017

¹⁷ Tua ciangin mite kiangah thu hilh a, “Ka inn pen mi khempeuh adingin thungetna inn kici ding hi,” ci-in Pasian in a genna thu Lai Siangtho sungah kigelh hi lo ahi hiam? Ahi zongin note in guta buluhteʼ bukna mun na suaksak uh hi, ci-in thu a hilh hi.

Marka 11:17 Referans Kwoze

Isaiah 56:7

ka mual siangtho-ah paipihin keima thungetna inn sungah ka lungdamsak ding a, amaute’ meihal biakna le a biakpiaknate uh ka biakna tau tungah kisang ding hi. Bang hang hiam cih leh ka inn pen mi khempeuh a dingin thungetna inn kici ding hi.

Jeremiah 7:11

Ka min tawh a kilo hih biakinn no’ ngaihsutna-ah misuam mi buluhte’ bukna mun bangin ngaihsun na hi uh hiam? Keimah in note’ hih khempeuh kong mu khin hi, Topa in kong ci hi.

Luka 19:46

“‘Ka inn pen thungetna inn kici ding hi,’ ci-in Pasian in a genna thu Lai Siangtho sungah kigelh hi. Ahi zongin note in gutate’ bukna phualpi na suaksak uh hi,” ci-in amaute kiangah a gen hi.

Johan 2:16

Tua ciangin kawl vakhu zuakte kiangah, “Na kawl vakhute uh hih lai panin paikhiatpih un. Ka Pa’ inn pen sumzuakna inn phualpi-in nei kei un,” a ci hi.

Hosea 12:7

Sumbukte in tawitehna man lo zang uh a, amaute in mi khem ding nuam a sa uh hi.

Isaiah 60:7

Kedar gam tuuhonte khempeuh nang kiangah hong kipua ding a, Nebaioth mite’ tuutalte nangma deih nana-ah kizang ding hi. Ka biakna tau tungah piak dingin tuate hong kipaipih ding a, keimah in a minthang ka biakinn ka minthangsak semsem ding hi.

Marka 11:16

Biakinn huang sungah kuamah bangmah paipihsak lo hi.

Johan 2:14

Biakinn huangsung a lut ciangin bawng, tuu, le kawl vakhu zuakte mu a, sumkhekte zong a sumkhekna sabuai-ah a tu mu hi.