Marka 10:52 - Tedim Bible

⁵² Tua ciangin Jesuh in, “Na ciah thei ta ding hi; na upna in nang hong damsakzo hi,” a cihkhit phetin amah in khua mukik theipah a, tua a paina lampi-ah Jesuh’ nung a zui hi.

Tedim Bible Revision 2017

⁵² Tua ciangin Jesu in, “Na ciah thei ta ding hi; na upna in nang hong damsak zo hi,” a cih khit phetin amah in khua mukik thei pah a, tua a paina lampi ah Jesuʼ nung a zui hi.

Marka 10:52 Referans Kwoze

Mattiu 9:22

Jesuh zong hong kihei a, tua numei a muh ciangin, “Ka tanu aw, na lung kinuamsak in. Na upna in nang hong damsak khinta hi,” a cih khit phetin tua numei a dampah hi.

Luka 7:50

Tua ciangin Jesuh in numei kiangah, “Na upna in nang hong damsak khinta hi; lungnuam takin va ciah in,” a ci hi.

Marka 8:25

Tua ciangin a khut tawh a mit lawnsak leuleu hi. Hih hun ciangin a mipa nakpitakin hak ahih manin khua mu theikik a, na khempeuh a kitel takin a mu thei hi.

Marka 5:34

Jesuh in zong tua nu kiangah, “Ka tanu aw, na upna in nang hong damsakzo hi. Cidamsuak inla, lungnuam takin va ciah in,” a ci hi.

Johan 9:32

Leitung pian’ cil a kipanin pianpih mittaw khua a musak thei a omlam kiza ngei nai lo hi.

Mattiu 15:28

Tua ciangin Jesuh in tua nupi kiangah, “Nupi aw, na upna lian taktak hi. Na deihna bangin hong piang ding hi,” ci-in a dawn khit ciangin a tanu thakhatin a dampah hi.

Sawltak 26:18

Pasian’ teel mite’ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theihna dingin Satan’ khutsung panin Pasian’ khut sungah a heikhia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Marka 1:31

Amah zong tua nu kiangah pai a, a khutin lenin a phongto hi. A natna dam a, a zinte zong a dozo pah hi.

Mattiu 21:14

Biakinn sung Jesuh kiangah mittawte le khebaite hong pai uh a, amah in amaute a damsak hi.

Mattiu 12:22

Tua ciangin mi pawlkhat in Jesuh kiangah mittawt le pau theih loh a thuah dawivei mi khat hong paipih uh hi. Jesuh in amah damsak ahih manin amah hong pauthei-in khua zong hong muthei hi.

Johan 9:39

Tua ciangin Jesuh in, “Mittawte in khua a muhtheih nading le khua mu thei a kineite mittaw a battheih nadingin leitungah thukhen dingin a hong pai ka hi hi,” a ci hi.

Mattiu 11:5

Mittawte in khua mukik a, khebaite paithei kikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Isaiah 35:5

Tua ciangin mittawte’ mit kihong ding a, bilngongte’ bil kihong ding hi.

Late 146:8

Topa in mittawte khua a musak hi. Topa in niamsakna a thuak mite sangtosak a, Topa in thuman mite a it hi.

Late 33:9

Bang hang hiam cih leh amah pau a, leitung hong piang hi; amah in thu pia a, na khempeuh hong om hi.

Luka 9:48

a nungzuite kiangah, “Keima hangin hih naupang a limbawl mi peuhmah in kei hong limbawl hi a, kei hong limbawl mi peuhmah in kei hong sawl pa zong a limbawl ahi hi. Note khempeuh lakah a neupen pa a lianpen pa ahi hi,” a ci hi.

Mattiu 8:3

Jesuh in zong a khut zanin tua mipa lawng a, “Ka hong damsaknuam hi; dam ta in,” a cih khit phetin a phakna a dampah hi.