Marka 10:48 - Tedim Bible

⁴⁸ A kiima om mihonte in amah taii-in, a pau loh nadingin a kham uh hi. Ahi zongin amah nakpitakin awngzaw semsem a, “David’ suan aw, kei hong hehpih in,” a ci hi.

Tedim Bible Revision 2017

⁴⁸ A kiim a om mihonte in amah taii-in, a pau loh nadingin a kham uh hi. Ahi zongin amah nakpi takin awng zaw semsem a, “Davidʼ suan aw, kei hong hehpih in,” a ci hi.

Marka 10:48 Referans Kwoze

Hebru 5:7

Leitungah mihingin Jesuh a omlai-in sihna panin amah a honkhia thei ding Pasian tungah thu ngenin khitui naptui tawh thumin na kiko hi.

Luka 18:39

A mai-a om mite in amah taii uh a, pau kei in, ci-in a kham uh hi. Ahi zongin amah kinakko semsem a, “David’ suanpa aw, kei hong hehpih in,” ci veve hi.

Marka 5:35

Tua laitakin kikhopna inn ukpa’ inn panin kamtaite hong tung uh a, “Na tanu si khinta hi. Bang hangin Siapa mawk gimsak nawn ding na hi hiam?” a ci uh hi.

Mattiu 20:31

Mihonpite in tua mi tegel a kikoko loh nadingun a taii uh hi. Ahi zongin amaute kiko pha semsem uh a, “David’ suan Topa aw, kote hong hehpih in,” a ci teitei uh hi.

Mattiu 19:13

Tua ciangin mi pawlkhat in a naupangte uh tungah Jesuh in a khut nga-in thu a ngetsak nading deihin a naupangte uh a hong paipih uh hi. Ahi zongin a nungzuite in tua mite na taii uh hi.

Jeremiah 29:13

Note in kei nong zong ding uh a, na lungsim khempeuh uh tawh nong zon uh ciangin nong mu ding uh hi.

Late 62:12

Topa aw, itna kip nangma a’ ahi hi. Bang hang hiam cih leh a sepna bang ciatin mite na thuk hi.

Efesa 6:18

Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh a dingin thu na ngetsak un.

Mattiu 9:27

Tua lai panin Jesuh a paikhiat ciangin mittaw mi nih in a nungah hong zui-in nakpitakin kiko uh a, “David’ suan Jesuh aw, kote hong hehpih in,” ci-in a thum uh hi.

Marka 10:13

Mi pawlkhat in a naupangte uh Jesuh in a lawnsak ding deih uh ahih manin hong paipih uh a, ahi zongin a nungzuite in na kham uh hi.