Marka 10:47 - Tedim Bible

⁴⁷ Nazareth khuami Jesuh ahihna thu a theih ciangin nakpitakin awng a, “David’ suan Jesuh aw, kei hong hehpih in,” a ci hi.

Tedim Bible Revision 2017

⁴⁷ Nazareth khuami Jesu ahihna thu a theih ciangin nakpi takin awng a, “Davidʼ suan Jesu aw, kei hong hehpih in,” a ci hi.

Marka 10:47 Referans Kwoze

Marka 1:24

“Nazareth khuami Jesuh aw, kote tawh nang bang kisai ihi hiam? Kote a susia dingin hih lai-ah hong om na hi hiam? Pasian’ mi siangtho na hihlam kong thei hi,” ci-in a kiko hi.

Mangmuhna 22:16

“Keimah Jesuh in pawlpite a dingin hih thute nang kiangah a hong gen dingin ka vantungmi ka hong sawl hi. Kei pen David’ zung le a suan ahi, zingsol ka hi hi,” a hong ci hi.

Mattiu 9:27

Tua lai panin Jesuh a paikhiat ciangin mittaw mi nih in a nungah hong zui-in nakpitakin kiko uh a, “David’ suan Jesuh aw, kote hong hehpih in,” ci-in a thum uh hi.

Johan 7:52

Tua ciangin amaute in, “Nang zong Galilee gammi na hi hiam? Lai Siangtho sung sim lecin Galilee gam sung panin kamsang khat beek a pian’ ngei lohna thu na thei ding hi,” a ci uh hi.

Mattiu 26:71

Tua ciangin Peter zong inntual pualamah a paikhiat leh numei dang khat mah in mu ahih manin a gei-a omte kiangah, “Nazareth khuami Jesuh tawh hih mipa kikhawl hi,” a ci hi.

Mattiu 15:22

Tua gamah a teng Kanaan nupi khat hong pai-in hong kiko a, “David’ suan, Topa aw, kei hong hehpih in. Ka tanu in dawi vei a, nasia mahmah hi,” ci-in a hong thum hi.

Sawltak 6:14

Hih Nazareth khuami Jesuh in biakinnpi phelgawpin, Moses tung pek panin a hong kipan ngeina khempeuh khelmang ding hi, ci-in a thuhilhna ka za uh hi,” a cisak uh hi.

Johan 19:19

Pilat in lai khat gelhsakin, “Jew mite’ Kumpipa, Nazareth khuami Jesuh,” cisak a, singlamteh tungah a suangsak hi.

Johan 7:41

pawlkhat in, “Hih pa, Khrih ahi hi,” a ci uh hi. Ahi zongin pawlkhat in, “Galilee gam panin Khrih hong piang ding ahi hiam?

Johan 1:46

Nethanel in, “Nazareth khua panin bang hong piang peuhmah ding ahi hiam?” na cihsan hi. Ahi zongin Filip in, “Hong pai inla, hong mu dih in,” a ci hi.

Luka 4:16

Tua ciangin ama khanna Nazareth khua-ah Jesuh pai a, Sabbath ni ciangin a paingei bangin kikhopna inn-ah a pai hi. Lai Siangtho a sim dingin amah ding a,

Mattiu 21:11

Mihonpite in, “Galilee gam Nazareth khua pana kamsang Jesuh hi,” ci-in a dawng uh hi.

Mattiu 21:9

A mai-a pai mihonte le a nunga zui mihonte awng uh a, “David’ suan Jesuh in phatna ngah ta hen! Topa’ min tawh hong pai pa in thupha ngah ta hen! A sangpena om Pasian in phatna ngah ta hen!” a ci uh hi.

Mattiu 20:30

Lampi gei-ah a tu mittaw mi nih in tua lampi tawnin Jesuh hong pai hi, ci-in a zak uh ciangin nakpitakin kiko uh a, “David’ suan Topa aw, kote hong hehpih in,” a ci uh hi.

Mattiu 12:23

Tua ciangin mi khempeuh in lamdangsa mahmah uh a, “Hih pa, i lametet David’ suan hi lo ding ahi hiam?” a ci uh hi.

Mattiu 2:23

Nazareth khua-ah a teng uh hi. Kamsangte in, “Amah pen Nazareth khuami kici ding hi,” ci-in a genkholhna a tun nadingin hih bangin a piang ahi hi.

Mattiu 1:1

Abraham’ suan David, David’ suan Jesuh Khrih’ khang ciaptehna hih bang ahi hi.

Isaiah 11:1

Jessi’ phung sung panin a sel khat hong khangkhia ding a, a zungte panin a no khat hong khang ding hi.