Marka 10:43 - Tedim Bible

⁴³ Ahi zongin note lakah tua bangin hi lo ding hi. Note lakah a lian nuam khat peuhpeuh, adangte khempeuh’ nasem hi ding a,

Tedim Bible Revision 2017

⁴³ Ahi zongin note lakah tua bangin hi lo ding hi. Note lakah a lian nuam khat peuhpeuh, a dangte khempeuhʼ nasem hi dinga,

Marka 10:43 Referans Kwoze

Luka 14:11

Bang hang hiam cih leh a kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi,” a ci hi.

Marka 9:35

Tua ciangin Jesuh tu a, a kiangah nungzui sawm le nihte samin, “Mi khat peuhpeuh a lianpen a suahnop leh a neupen suak photin mi khempeuh’ nasem hi masa ding hi,” a ci hi.

Luka 9:48

a nungzuite kiangah, “Keima hangin hih naupang a limbawl mi peuhmah in kei hong limbawl hi a, kei hong limbawl mi peuhmah in kei hong sawl pa zong a limbawl ahi hi. Note khempeuh lakah a neupen pa a lianpen pa ahi hi,” a ci hi.

ROM (Romans) 12:2

Leitung mihingte’ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasian’ deihna na phawk thei ding uh hi.

Galati 5:13

Sanggamte aw, note ahihleh a suakta mi ahi dingin Pasian in a hong sap ahi hi. Ahi zongin tua suahtakna pen na pumpi uh ut bangbangin gamtat theih nadingin paulam zonna-in nei kei unla, itna tawh khatlekhat kikhualna-in zangzaw un.

Johan 18:36

Tua ciangin Jesuh in, “Keima ukna pen hih leitung gam hi lo hi. Keima ukna hih leitung gam hileh Jerusalem khua-a Jew mi uliante’ khut sungah hong kipiak loh nadingin ka nungzuite in a do ding uh hi. Tua ahih manin keima ukna pen hih leitung tawh kizom lo hi,” a ci hi.

Luka 18:14

Ke’n kong cihin-ah, hih mipa pen Pasian tawh a kilemsa-in a inn-ah ciah a, a khat pa pen tua bangin ciah lo hi. Bang hang hiam cih leh a kiliansakte pen kiniamkhiatsuk ding a, a kiniamkhiatte pen a lianin kibawl ding hi,” a ci hi.

Marka 10:42

Ahi zongin Jesuh in amaute samin, “Leitung mi a ukte in mite tungah aana nei-in, mi a makaite in thuneihna tawh a ukna thu na thei uh hi.

Marka 10:44

a makai ahi nuam khat peuhpeuh, adangte khempeuh’ sila hi ding hi.

Luka 22:26

Ahi zongin note lakah tua bang hi lo ding hi; a lianpen pa a neupen bangin om ding a, a makai pen pa a nungzui nunungpen bangin om ding hi.