Marka 10:37 - Tedim Bible

³⁷ amaute in, “Minthangin kumpi tokhom tungah na tut ciangin na taklamah khat, na veilamah khat hong tusak lecin ka ut uh hi,” a ci uh hi.

Tedim Bible Revision 2017

³⁷ amaute in, “Minthangin kumpi tokhom tungah na tut ciangin na tak lamah khat, na veilamah khat hong tusak lecin ka ut uh hi,” a ci uh hi.

Marka 10:37 Referans Kwoze

Mattiu 19:28

Jesuh in amaute kiangah, “Ke’n limtak a kong genin-ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Luka 24:26

Khrih in minthanna a ngah nadingin hih bangteng a thuak ding kisam hi lo ahi hiam?” a ci hi.

Marka 16:19

(Tua bangin Topa Jesuh in amaute tungah thu a gen khit ciangin vantungah kilato-in Pasian’ taklamah a tu hi.

Late 110:1

Topa in ka to kumpipa tungah, “Na galte nangma khengakna-in ka bawl matengin ka taklamah tu in,” a ci hi.

1 PETER MASA 1:11

Khrih in gimna thuakin, tua khit ciangin minthanna a ngah nading thu Kha Siangtho in a gen ciangin, amaute sungah a om tua Khrih’ Kha Siangtho in kua a cihna hi a, bang hun ciang hi ding hiam, ci-in a kankan uh pen tuhun thu a gen ahi hi.

Marka 8:38

Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Pa’ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

Mattiu 25:31

“Mihing Tapa a vantung mite tawh Kumpi-in hong paikhawm uh ciangin a kumpi tokhom tungah hong tu ding hi.

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama taklam le a veilamah vantung mihonpi a ding ka mu hi.

Late 45:9

kumpite’ tanute, numei uliante lakah om a, na taklamah Ofir gam khamte tawh kizemin kumpinu a ding hi.

Marka 10:36

Jesuh in, “Bang kong vaihawmsak ding deih na hi uh hiam?” ci-in a dot ciangin