Marka 10:26 - Tedim Bible

²⁶ Tua ciangin amaute in lamdangsa mahmah uh a, “Tua bang hileh kua in hotkhiatna ngahzo ding ahi hiam?” a ci uh hi.

Tedim Bible Revision 2017

²⁶ Tua ciangin amaute in lamdang sa mahmah uh a, “Tua bang hileh kua in hotkhiatna ngah zo ding ahi hiam?” a ci uh hi.

Marka 10:26 Referans Kwoze

Sawltak 16:31

Amaute in, “Topa Jesuh um in. Tua hileh nang le na innkuanpihte in hotkhiatna na ngah ding uh hi,” ci-in a dawng uh hi.

2 KORIN NIHNA 11:23

Amaute Khrih nasem ahihleh kei zong hong hai pau mai ning. Khrih nasem a hoihzaw pekpek ka hi hi. Amaute sangin na ka nak sepzaw a, satna tamvei ka thuakzaw a, sih dektakna tamvei ka tuakzaw hi.

Marka 7:37

Amaute in genzawh loh dongin lamdangsa mahmah uh a, “Hih mipa in septheih loh bangmah nei lo hi. Bilngongte nangawn khua zasak thei a, a pau thei lote nangawn pau theisak hi,” a ci uh hi.

Marka 6:51

Tua ciangin amaute omna gunkuang tungah Jesuh kahto a, huihpi zong a daipah hi. Nungzuite in lamdang a sa mahmah uh hi.

Luka 18:26

Tua thu a za mite in, “Tua bang ahihleh kua in hotkhiatna ngahzo ding ahi hiam?” ci-in a dong uh hi.

Luka 13:23

Tua laitakin mi khat in, “Siapa aw, hotkhiatna a ngah mi tawmno khat bek hi ding ahi hiam?” ci-in a dong hi.

Marka 10:25

Pasian’ ukna sungah mihau khat a lut ding sangin phim bilvang sungah kalaoh khat a lut ding baihzaw lai hi,” a ci hi.

Marka 10:27

Jesuh in amaute enin, “Mihingte a dingin hi zo lo mah hi; ahi zongin Pasian a dingin ahi mawh thu hi lo hi; Pasian a dingin na khempeuh hithei hi,” a ci hi.